我的雪亮聖誕 @迪士尼

我的雪亮聖誕, 哲哲選中的是米妮呢~

這陣子在電視中經常看到迪士尼賣廣告

很白色聖誕, 浪漫迷人 (仲播埋我最鐘意首聖誕歌做配樂)

已經問過哲爸會不會陪我去 (結果當然是不會理我)

星期五回娘家時媽媽說星期日一行十幾人到迪士尼

剛好 yuki表妹有半價飛

見仲有 quota第一時間答應帶同哲哲一齊去!

媽媽原先怕我辛苦建議留家訓多晚一起去多個照應

不過怕哲哲又發惡夢, 我又會訓不好

而且奶粉行裝也要再多多準備

決意回家休息 (最多第日辛苦 d一個人帶哲哲拎咁多野出門)

準時 11a.m.到噴水池會合晴晴, 兩口子未入場先興奮, 指著噴水池笑不停

呢一日哲哲都算扭計, 不停要痴住我又唔肯坐車, 想同青姨影左相都要纏住我

是次的大合照~ (唔見姨丈同舅父既?!)

人租車我租車, 晴晴乖乖肯坐定定, 哲哲就偏要落地或者要我抱, 幸好租架車都仲有用途, 放下各人既行李當工具車咁囉

團中有軍師, 安排好節目又取了 fast pass, 第一站先到米奇金獎音樂廳. 還以為坐定定看頒獎禮會悶, 誰知又歌又舞挺好看. 佈景金光閃閃, 浪漫華麗, 哲哲沒有扭悶, 看得入神

入到迪迪尼又怎能不到大人細路都喜愛的 winnie the pooh和巴斯光年朝聖?

時間剛剛好

我們又趕到米奇幻想曲睇立體劇場

起初哲哲有點抗拒帶立體眼鏡, 不停要除

不過我見片中的立體鑽石飛埋黎時哲哲會伸手去捉

我想哲哲應該看得到那些立體效果吧~

吃過飯, 時間差不多又趕到看花車巡遊, 較為特別的是有聖誕氣氛的薑餅人車

哲哲一不高興就訓地不願起, 幸好 kenjo表妹有備而來, 用糖糖引哲哲起身!

因咩事咁唔滿意咁串嘴呢?

呢隻衰豬哲, 成日媽媽聲又要我抱, 公公婆婆狠心上來決意不讓我抱哲哲, 可憐的哲哲不停樹起一隻手指示意我抱一陣

行程緊密, 我們又到了冬日奇園下的小小世界, 自己看過了不覺得別, 反是哲哲依舊四周不停望, 很好奇

好喜歡哲哲這個神情模樣, 很像女孩子, 比起晴晴哲哲絕不遜色啊! 

此時哲哲玩足成日都仲未訓

就在我們看最後一場的獅子王慶典

辛巴同刀疤打得最激烈的時候

哲哲就睡著了(難為哲哲咁吵都訓得著, 可想而知幾咁眼訓)

完了節目吃過晚飯

我們霸定位等睇煙花

天公做美, 四處無雲

放煙花上來觀感更好

還以為哲哲和煙花緣慳一面

就在煙花開始前十五分鐘就醒來了

煙花在天上放

哲哲在地上拍手叫好

入夜後城堡會變色, 好漂亮

多年前看過一次迪迪尼的煙花就念念不忘, 越到尾聲煙花越放燦爛, 令人捨不得離開

這晚我們玩到最後一刻, 迪士尼早上的熱鬧和晚上的寧靜, 各有吸引人之處

因為哲哲喜歡

令我也開始愛上迪迪尼

臨老先黎鐘意....會唔會好低 b?

這天雖然玩得盡興

不過非常辛苦 (全身酸痛到不得了)

哲哲咩人都唔跟

今次單拖同哲哲玩足一日真係搵自己笨...