ohmykids x 自由約之不完美露營 @西九

mar 11, 17

小時候參加過童軍, 對於帶著營具攀山涉水, 扎營起營火晚會夜晚睇星星的印象很深刻, 一直都很想和兩兄弟去試下, 可是露營需要準備很多物資, 我怕買了一堆回來兩兄弟不喜歡會浪費

早陣子ohmykids x 自由約舉行「不完美露營」活動, 地點就在西九, 還有工作人員帶活動, 所需準備的物品也不算多, 最重要是免費!! 二話不說即時申請, 幸運地收到電郵通知中籤了, 也有一份活動安排及準備清單的附件, 活動好吸引, 真係好期待可以快d 去玩

同兩兄弟講即將去西九露營, 佢地都一臉奇怪: 成日去西九野餐, 乜果度可以露營? 不過知道有得扎營訓戶外, 哲哲同細佬都好興奮好開心 (可能我成日同佢地講童軍露營生活幾甘多姿多采XDD)

前一晚執拾物品時, 越執越多, 帳幕之前淘寶過四人營, 雖然不是正統的野外露營用, 為免新屎坑買完少去屋企又要搵位放, 決定頂硬上用住先, 訓一晚應該無咩問題掛...至於營燈地蓆同睡袋, 幸得T小姐借出, 總算以最簡單及便宜的方法解決了物資問題

期待好久的「不完美露營」, 帶住毛雨的天氣開始, 還以為拖喼過一晚好似好誇張, 原來都有好多家庭同我地一樣呢~

整巨型甘大滋 @零食物語foodfie煮播室

feb 1, 17

去完酒鍋, 其實今日最想做的是同兩兄弟去整巨型甘大滋

印有自己既樣既甘大滋真係好得意丫~~~

嘆靚茶吃得意造型點心 @酒鍋

feb 1, 17

是日拍拖唔知幾多週年, 比個藉口出城去銅鑼灣飲茶吃得意點心. 平時好少同兩個仔飲茶, 一黎覺得飲茶需時比較長, 兩個仔無耐性坐咁耐, 二黎茶樓既點心比較悶, 就算幾好食, 賣相都很普通, 無咩特別

早陣子在雜誌看到幾間精緻酒樓有得意公仔造型點心吃, 想同兩兄弟見識一下, 等佢地打破「飲茶等於悶」既固有想法. 這天下午在灣仔有活動, 所以今天去銅鑼灣的酒鍋吃午餐

閒遊南蓮園池

jan 30, 17

年初四, 陪奶奶到鑽石山的南蓮園池參拜廟祝, 多年沒有來, 這天特意幫兩兄弟穿上賀年服, 與古色古香的建築拍照特別有氣氛, 哲哲也笑著說就像回到老香港呢~

假日好去處: 粉嶺阿方士多啤梨園。雲泉仙館吃齋

jan 22, 17

之前應承了哲哲考試期間好好溫書, word hard之後就是play hard, 這天早起的鳥兒有士多啤梨吃. 前年得知粉嶺有個阿方士多啤梨場, 沒有收入場費, 可以看過士多啤梨收成情況才決定要不要摘. 這天捉埋朋友仔陪我作先頭部隊, 看看是否值得拉大隊來一次

跟原居民學曬咸蛋。大澳一日遊

dec 4, 16

半年前在朋友的fb看到ywca有個大澳文化生態綜合資源中心舉辦體驗活動, 數數手指已經有四五年沒有到過大澳, 正好襯這次的機會, 打算待天氣涼一點的時候和朋友們結伴一起去

這個活動申請很簡單, 首先向大澳文化生態綜合資源中心入紙申請日期時間, 成功報名後有一系列既體驗活動可以揀選擇 (連結在此: http://cerc.ywca.org.hk/intro01.asp), 每項活動每人頭收取$40費用

最後我們分了兩組, 分別參加了豆腐花製作及生曬咸蛋, 考慮到想多點時間在大澳四處遊覽, 所以只選擇了一兩項活動

我們一行人包車入大澳, 是日有團友生日, 在旅遊車同碼頭旁慶生, 夠晒難忘熱鬧喇掛XDDD

這年聖誕

這年聖誕節目豐富, 日日都有得玩, 要記錄一下快樂的回憶:

dec 24

哲爸最怕人多的地方, 已經有很多很多年的聖誕, 除夕元旦都留在家中倒數慶祝, 這年竟然肯陪我在平安夜這晚出尖東閒逛影燈飾, 好難得呢~

聖誕燒雞派對 @veg garden

dec 26, 16

上年和朋友仔參加了大埔veg garden的聖誕燒雞party, 念念不忘皮脆肉嫩香噴噴的燒雞, 這年和朋友仔再次參加, 在田園裡過聖誕, 吃自己醃的燒雞, 快樂又好吃!

YMCA 植樹日「植著果子說愛你」

jul 17, 16

澳門之旅後, 節目繼續精彩, 這天我們和同學仔參加了YMCA的「植著果子說愛你」的活動. 種花種粟米種菜試過了, 種樹倒是第一次, 這麼有意義的活動, 可以讓兩兄弟知道種一棵樹要花很多時間心機, 破壞只是一剎那, 希望他們會好好愛護大自然

活動場地就在烏溪沙青年新村, 非常非常的近我們, 所以沒有跟隨大隊搭旅遊車, 而是直接由家步行過去

食飽午餐出發喇~

秋去春來的約會 @西貢清新地

may 15, 16

上年十月知道西貢多了一處假日親子好去處, 於是約了一班朋友仔結伴同行, 可是約會日子因天氣一改再改, 前後改了三次, 真係覺得自己同清新地無緣. 本來天文台說這天也是狂風雷雨, 但最後天氣好得人人曬到兩截色, 能夠順利完成這次活動, 內心大喊一聲: 萬歲!

minions 香蕉派對 @veg garden

jan 31, 16

之前跟朋友仔參加過veg garden的聖誕燒雞活動, 覺得很有趣. 這次農莊又有新活動, minions香蕉派對介紹香蕉既生成史, 學習採蕉, 合力分割, 仲會即製新鮮既香蕉果醬, 於是約埋一班幼稚園同學親親大自然, 順便互相熟絡一下, 睇下文靜既細佬同同學們相處如何

要親親大自然, 遠離鬧市, 地點來說交通必然不會太方便, 對於無車人仕黎講, 真的是一件苦事. 車程時間長, 未開始玩坐車已經坐到呆晒, 玩完謝晒之後仲要坐好耐車先返到屋企, 萬一兩兄弟訓著左仲要抱落車就真係手都斷. veg garden地點在大埔某半山, 由家裡出發不是太遠, 參加活動個動力即時大好多XDDD

西九野餐

nov 22

秋高氣爽, 同朋友仔去郊外野餐最開心, 今日又同戰隊去西九文化區, 貪呢度地方大, 玩咩都得, 滿足晒大人中童細路~

點解咁講呢? 之前一眾戰母苦惱左好耐, 要找一撻大空地可以比大果班飆車之餘, 大人可以視線範圍內看得到唔擔心安全, 細果班又可以玩公園遊樂設施, 大人又可以安心傾計, 考慮埋地點因素, 除左西九真係別無他選.




對於我地呢d 無車人仕, 無可能下下坐的士抬屋企架單車黎, 西九另一好處就係可以在入口度租單車 ($20/小時), 真係一個很周到既服務.

「我地農莊」之粟米節

oct 11

某天朋友說要不要參加粟米節, 還說種出來的粟米生吃很鮮甜, 於是這早山長水遠和奶奶走到元朗的「我地農莊」種粟米.

再到兒童探知館

aug 6

尋日和朋友仔完左最後一天的小學適應課, 結伴到沙田的香港文化博物館搞搞震~

夏熱天時, 除左游水同去展館(主要是有冷氣, 嘻嘻), 真係無咩好去. 剛好今天星期三, 當然要把握免費入館的優惠, 得半日時間, 去科學館肯定唔夠時間玩, 決定吃完午飯出沙田可以慢慢玩個夠

blogger試玩。We嘩! 充氣嘉年華 @奧海城之與「龍」同行

jul 26

期待已久, 「We嘩!充氣嘉年華」(下稱「We嘩」)又有得玩啦! 未到星期六哲哲已經we嘩咁嘈話要早d去, 出門的時候太陽很猛烈, 心裡暗讚好在「We嘩」在室內有冷氣, 不受天雨或猛烈陽光影響, good ar!

暴龍出沒! 

「We嘩」這次選址在奧海城, 對上一次來奧海城是2006年, 和哲爸同朋友一起來看世界盃決賽. 這天來的時候完全不認得路, 地方太大, 花了點時間才找到, 盲中中的情況下竟然比我地遇上暴龍!

上星期tbb pearl正在播「侏羅紀公園」, 兩兄弟睇足全場不知幾興奮. 這天暴龍突襲同途人大玩捉伊因, 細佬很好奇, 不停指住叫:「龍龍, 龍龍好大丫」. 咁像真, 皆因呢套荷里活特效恐龍costume由全港最high tech既技術製成, 首度曝光, 引到好多大人小朋友排隊爭住影相. 不過哲哲明顯心不在焉, 因為...

迪士尼星級款待之德仔「飛」常特訓

apr 12

戰隊又殺入迪士尼啦!

今次有幸可以入去迪士尼玩德仔「飛」常特訓 (萬歲!), 大人細路未出發先興奮, 襯人齊影張大合照先!

春遊。馬鞍山公園

apr 14

這天本來另有節目, 可是天氣不穩的緣故臨時取消了, 不想白白浪費哲爸的一天假期, 於是回家拿相機到馬鞍山公園拍輯外影家庭照

新春戰隊團拜

feb 8

好耐無試過咁齊人啦! 呢日同戰隊約左去飲茶開年, 小戰隊真係越來越多花臣!

「唔...食叉燒包好定流沙包好?」

「哲哲你畫緊d咩呀?」

冬遊。馬鞍山公園

feb 2

最近兩個月, 假日一有時間就會和哲爸四處看裝修的事, 好久沒有陪哲哲細佬出外玩了, 今日年初三赤口見沒事做, 拿起相機來到馬鞍山公園邊玩邊拍

著實很喜歡馬鞍山公園, 近近地環境又優美, 在這裡我們為兩兄弟留下不少照片, 這裡有著我們很多的印記. 所以開始習慣每到一段時間就帶相機, 認真的拍拍, 為我們一家作個定期紀錄

playright! 智樂遊戲萬歲日

nov 17, 2013

每年在中環的遮打道都會有由playright舉辦既免費親子活動 - 智樂遊戲萬歲日, 以往playright所舉辦的活動都很有創意, 由日常垂手可得的物件製作成有趣的玩意, 教懂小朋友從生活中, 邊玩邊學

這年我們第一次參加智樂遊戲萬歲日, 去到中環真的嚇了一跳! 到處都是人龍, 排得密密麻麻, 完全看不到可以活動的地方, 牌子上也寫住等一個遊戲要六十分鐘, 有點擔心哲哲是否有耐性去等 (當然也擔心自己的腳骨力!)