哲哲的畢業禮

jun 10

期待了許久, 畢業禮終於來了. 說起畢業禮真是一殼眼淚

數月前學校有通告, 說六月將舉行畢業禮, 如同每年的聖誕匯演一樣, 學校不鼓勵家長帶相機, 因為大會有攝影也會製作成DVD派給家長, 不過我也很好奇再三問了班主任好幾次, 是不是當天不能用相機, 場內不可拍攝. 班主任回答那天是不建議帶相機. 結果我是真的很傻很天真, 那天去到尖沙嘴的大會堂外, 才發覺人人也帶相機, 噢, 不是相機, 是大炮(長鏡相機), dv更是不少得

人人都在為自己的小朋友拍照留念, 有些家長自備畢業袍, 花束, 甚至畢業公仔來拍照, 相比自己兩梳蕉咁瀟灑, 頂盡得部爛到不能爛既手機, 即時覺得中伏了...

本來安慰自己那些家長只是現在拍拍, 場內不準拍攝, 到時都要收起來. 誰知入到去才發現人人都set好腳架來影相, 果一刻我真係好想喊, 好想時光倒流, 呢個場合就算唔帶大機唔帶dv, 平常出街都會帶部x10, 點解今日會咁聽話依老師講咩都無帶呢?

什麼照片影片都沒有為哲哲留下, 這一切一切美好的只能留在腦海中(自我安慰)

學校安排很周到, 憑劵入場, 安排的位置在台的正中心, 也不會離舞台很遠, 可以很清楚的看到表演, 要是有相機一定能拍很多好照片. 噢, 我又在提傷心事...

畢業謝師聚餐

jun 30

是晚畢業謝師聚餐, 為怕照顧細佬玩得唔夠盡興, 這晚由奶奶睇住細佬, 我同哲哲二人出席. 基本上哲哲都係無心肝既人, 成晚淨係同女神玩...

「哲哲, 不如同下其他同學玩喇」

「識左新朋友緊係同新朋友玩啦, 仲點會同xxx玩喎, 都玩左三年囉, 好長時間架喇」

(竟然有咁既邏輯?!)

「咁老師呢? 唔影第日就唔記得邊個老師教過你架喇」

「班相咪影左囉...」

哲哲, 呢個係畢業謝師聚餐! 唔係同女神約會既地方呀~~~

幼稚園愛的故事 (二)

jun 27

續上文, 哲哲想結識隔離班的女同學, 可是雙方都太怕羞, 遲遲未能互相認識. 昨天小息要留班房, 哲哲可惜道又少了一次機會. 這早哲爸見客, 可以遲一點出門, 齊齊送哲哲返學, 同哲哲加油壯壯膽~

幼稚園愛的故事 (一)

畢業禮之後, 哲哲常常問:「媽咪, 點先可以識到新朋友?」

「點解咁問呢?」

「成日都無人同我玩, 所以我要諗方法識多d新朋友囉」

又某日...

「媽咪丫, 你知唔知我今日上堂發夢呀? 我係度諗緊, 點先可以多d朋友同我玩丫」

「咁你諗到方法未丫?」

「我諗到架啦, d男仔又唔同我玩喇, 咁我唯有同女仔玩啦」

小一適應週

還有一星期就畢業了, 最近學校開始融入小一要學的東西給k3生, 先是學寫備忘錄:

看黑板抄寫方面, 還算過得去吧, 總算沒有抄漏

K3運動會

mar 22

相隔一年, 校際運動會捲土重來, 今年哲爸為我們勇奪一面獎牌, 為最後一次幼稚園親子運動會留下完美既回憶!

認真玩遊戲

這個星期學校模擬區轉了新主題 - LL超市

這個超市認真不得了, 收銀台的八達通機做得像真的一樣, 連過機scan bar code都做得很真, 要說令這個收銀台生活感加分的就是BYOB的poster. 收銀機也不是假的, 入面有散紙有紙幣找續的啊

哲哲的寫字練習簿

上年十一月的某一天, 哲哲在家準備打開練習簿寫字...

「咦, d字咁靚既? 本功課唔係我架喎!」

「係喎...可能老師搞錯左本功課, 錯手將你同同學既功課對調左」

「媽咪, 咁我係咪照寫字落呢本簿度?」

「唔洗喇, 等聽日返學校交換返時先補做啦」

「嘩, 媽咪, 你睇, 點解人人d字都咁靚, 乜我果d咁肉酸架?!」

(呢個事實終於比哲哲自己發現左XDDD)

「以書易書」大行動

為了呼應今期「我愛環保香港」這個學習主題, 今個星期學校推行了「以書易書」大行動, 鼓勵小朋友將家中的好書帶回學校進行交換, 不但可以讓書本循環再用, 更可以推動閱讀文化, 以生命影響生命, 讓好書繼續流傳, 不會浪費

家中的書櫃堆滿童書, 當中有些被哲哲打入冷宮, 也有些讀上來已不合哲哲的年紀, 它們都是很新淨, 正好帶回學校交換

經學校收集了上下午校所有班別的書本, 第一天同學們的反應未見太熱烈, 聽哲哲說, 班上只有九位同學帶回舊書來交換, 未知是同學們太珍惜家中好書還是平常閱讀借書居多所以未有舊書帶回學校

K3家長日 (上學期)

jan 18

準備踏入k3下學期, 這天家長日老師說了哲哲校內的表現: 大致上都是一個乖學生, 只是上堂比較喜歡傾計唔夠專心, 好多時需要老師再三提點先明白上堂要安靜留心老師講話; 識數同中文認字哲哲沒有問題, 英文雖然有進步, 堂上主動回應了, 不過詞彙同對答可以再加強; 寫字方面老師大讚哲哲進步了, 這方面我也大表認同, 裝字型及力度方面比起以往掌握得好, 寫上來的速度快了, 我相信日子有功加上哲哲寫得多自信心加強的緣故

談到我關注既人際關係, 老師說哲哲主動了, 開始學懂與人商討, 沒以前那麼衝動, 和同學相處愉快呢~

是日當值做禮貌小天使, 做了三年, 哲哲習慣繫上配帶站崗的時候就要落力講早晨打招呼, 即使面對陌生人也較之前寬容. 望望下, 條校褲由及膝褲變超熱褲, 哲哲在這學校渡過的日子長高了不少~

又是「一人一花計劃」。替鳳仙施肥

jan 17

又係時候睇下盆鳳仙如何了...

一月的時候病了數天, 某一晚醒來吃藥的時候無意中看到鳳仙的葉子軟軟黃黃, 大驚之下才醒起好像連續數天都沒有為鳳仙灑水, 不用問哲爸和哲哲肯定又沒當一回事, 見到鳳仙就快謝既樣, 第一時間勁補水, 希望奇蹟會發生...

幸好第二早醒來見鳳仙還健在, 而且給了充足的水份後已經回復光澤, 葉子不像昨晚軟軟下垂, 好彩啊!

K3聖誕表演

nov 30, 2013

在幼稚園最後一年的聖誕表演啦!

有了過往既經驗, 今年不容有失, 哲爸晨早就到學校排隊找個好位子, 又凍又早起, 真係辛苦哲爸了

席上看到低年級的學生, 唱著熟悉的歌, 穿著一樣的舞衣, 跳住一樣的舞步, 非常感動, 也想起了這兩年哲哲表演中的模樣, 哲哲的成長

欣賞到最後一場, 終於到哲哲那班了...

出場啦出場啦!

又是「一人一花計劃」。鳳仙要過盆

nov 24

上年沒有收到學校一人一花, 所以k1時買下來花盆和肥料泥土早就掉了, 早兩天收到學校派來的小鳳仙, 因為不想花錢再買新盆, 所以請麻麻從家裡帶來

今天終於可以和鳳仙過盆了

(工具短缺, 所以用外賣匙來代替, 哈哈)

一次生, 兩次熟, 有了秋英既經驗, 這次夠膽自己過盆了. 根據非專業花農既教路, 首先找來一個大小適中既花盆, 將泥土先鋪一層在底部, 鋪到七成滿就好, 中間預留空位放置花苗

又是「一人一花計劃」。新畿內亞鳳仙

nov 22

k1的時候第一年學校參加了一人一花計劃, 經我一翻努力, 總算擺脫「植物殺手」既污名. 上年學校沒有派花苗, 以為逃過一劫, 誰知這天老師給了我本年度的花苗 - 新畿內亞鳳仙(2013/2014)

天啊, 又要掛著戰戰兢兢的心情去栽花了 (這個栽希望不是『栽倒』的栽...)

一年一度學校花市活動

jan 10

又是一年一度學校辦的花市活動了, 這年在LL小學舉辦, 地方大了, 哲哲也就更期待了. 前一晚...

「媽咪, 聽日早餐唔洗食咁飽啦」

「下? 點解呀哲哲?」

「我地行花市呀, 入面有好多野食, 食咁飽我怕一陣食唔到咁多野丫~」

「咩入面有好多野食架咩?」

「係喲, 有爆谷, 有綿花糖, 有魚蛋有粟米之類, 有 d只可以拎一次, 有 d姨姨好人就比添多一次既」