sens studio photo

jun 27, 16

前陣子又去了sens studio影家庭照, 朋友們說我很喜歡影相. 嗯, 因為平常我拿相機多, 自己甚少入鏡, 所以希望每年至少可以影一輯留為紀念

這次也不例外, 泳會每年都送coupon給特定學員免費拍一輯, 套餐包十張相及一個相架, 最後加了$1680買多二十一張相. 兩兄弟表情好可愛, 只能盡力三揀一拿走部份相似的照片(肉痛)

觀塘海濱長廊外影 by Dicky Daddy

mar 28, 16

最近找了一位我很喜歡的攝影師哥哥幫我們影家庭照, 眾所周知哲哲係超級唔合作又難影既小朋友, 這次非常難得的找到一位有耐性哄哲哲, 價錢超值, 影相又靚既Dicky哥哥, 已經決定等哲哲出了來年的校曆表後, 再約Dicky哥哥影靚相

好喜歡這兩張相, 哲哲同竣竣都好可愛呢, 難得影到兩兄弟相親相愛的樣子 (鏡頭後當然是假象!)

大棠賞紅葉 by tony ma photography

dec 23, 15

又是紅葉盛開的季節, 上年去了青衣公園賞葉, 今年決定到大棠看紅葉. 這次還參加了tony哥哥的導賞團, 可以邊欣賞紅葉, 又可以拍攝家庭照~

哲哲和竣心情很興奮, 因為可以在公園玩樹葉大戰, 滾枯葉; 回程時可慘了, 糧餉吃光, 體力用盡, 有人開始發脾氣, 話要即刻落山腳唔想再行, 邊行邊喊發脾氣, 真係醜死鬼~

到處都是人山人海, 加上某人發脾氣, 去到戲肉一片紅葉時喊到眼紅紅面黑黑, 好照片不多, 有點可惜啊...

goodbye summer by coochichi

aug 9, 15

之前在黃金海岸影既沙灘水著相終於收到啦!

3rd studio album @FACE Lifestyle Icon

jun 17

又團購影相了! 孩子大得快, 所以想九個月至一年都影家庭照留來紀念, 看看孩子成長的變化, 這次我們又到FACE studio影相

先來家庭照:

自己屋企影靚相 (二)

早幾日應承幫朋友拍初生bb照, 在櫃桶找回毛毛氈冷帽仔, 諗起以前同細佬係屋企影過d造型照, 襯今日陽光唔錯, 心血來潮和細佬影返幾張先!

半歲時既細佬成個呆佬無黎表情, 依家識擺chok樣囉XDDD

2nd studio album @FACE Lifestyle Icon

oct 17

哲哲兩歲的時候影過face studio, 那時的印象不太好, 感覺攝影師唔太識執生, 或許哲哲UFO上身四圍走好難影的緣故

這次團購了face的攝影套餐, $289/20張相, 和以前多個場景相比, 現在明顯縮水了, 場景只得一個+白佈景一個, 不過20張相少d場景都可以接受啦...主角是細佬, 哲哲當日正在發高燒, 出奇地狀態奇好, 笑容足亦很合作, 差d搶左細佬鏡~ 這次兩隻馬餾很合作, 所以照片出來大部份都很好, 很滿意, 廢話不多說, 睇相吧~

親子外影 @大埔海濱公園by coochichi

jul 12

最近影了一輯親子外影覺得很滿意, 價錢還很親民, 好想和大家分享一下~

戶外親子照 @迪欣湖by the new classic studio

may 11

早前參加一個免費外影活動, 幸運地被選中了, the new classic會為我們到迪士尼拍一輯外影親子照, 平常拍哲哲拍初一就影得多, 今次能夠全家被拍, 令人很期待呀~

Mary K之瑪莉教室。親子攝影初班

jun 15

其實我並沒有上過攝影班, 一直都是看網站, 看人家的教學blog, 買攝影書來自學的

以前對攝影是零興趣, 不喜歡影相, 更不喜歡被拍, 覺得影相很無聊, 相機鏡頭又貴仲成日出新款, 追極都追唔完. 哲哲出世後, 為了留住更多的珍貴的照片, 我也跟著哲爸加入敗家行列, 學人攝影起來. 當然, 按下快門的一刻很容易, 可是照片卻是慘不忍睹. 加上哲哲是出晒名既「UFO」, 要為哲哲影張靚相, 更是難上加難

細佬出世了, 經過這些年撞板既經驗及練習, 多多少少拍得比以前好, 可是...這還不足夠的, 看著自己拍出來的照片, 實在是悶得乏味, 我也很想為兩個寶貝仔拍出代表作啊

就是這樣, 在facebook報了一位我很欣賞既女攝師mary k舉辦的親子攝影初班, 正正式式的上堂, 小組既形式, 堂上既實習, 能夠即時發問即時解答, 正是我想要的

這天, 是期待已久既實習堂

1st studio album @sens studio

apr 30

朋友們近日大力推介, 影親子家庭照一定要去sens studio度影, 見早前有團購$238包12張相同一個相架, 雖然相片既張數較少, 不過我們確實很久沒有影過親子照, 於是第一次學人團購攝影套餐, 好期待啊~

相隔了九個月才再到影樓拍親子照, 有點後悔, 本來上年十月約了一間戶外攝影, 天雨關係取消了, 後來天氣冷, 拖到現在回暖才可以出戶外影相. 這九個月對初生的bb來說進步很大, 細佬的扒底, 坐, 學爬學企我都錯過了, 幸好現在能夠拍到細佬行, 希望不算遲吧

廢話少說, 先來看看部份照片

這是我最鐘意的一張照片啊!

自己屋企影靚相

sep 25

同初一影過兩次studio相, 覺得照片都是影得很一般, 不算太喜歡. 某天看到外國網站的new born照片, 忽發其想, 襯天氣還熱, 之前又淘了一些造型的冷帽仔, 不如淘張毛毛毯返黎自己o係屋企脫光光咁影. 自己屋企影, 唔洗擔心bb因為陌生環境而緊張, 自己操刀又可以任試任影唔怕趕時間

雖然是很業餘的水準, 不過我自己就很滿意了, 你呢?

1st 親子家庭照@mybabyface studio

jul 19

見到mybabyface 的baby dreaming佈景好得意, 相比從前著無聊bb公仔衫有趣得多, 所以襯初一仲細細粒又未懂轉身, 第一時間約期拍攝

上到studio, 揀好左場景, 就開始拍攝啦~

$100試影優惠 @new classic studio

aug 8

在facebook看到new classic有$100試影計劃, 約了期想幫初一影相留念, 可是初一生眼瘡, 一改再改, 終於等到今日去影靚相啦~

和攝影師兼director connie看過帶來的衫, 開始啦!

1st studio album @FACE Lifestyle Icon (靚相篇)

賣左咁耐關子, 係時候揭幕啦~~

家庭照

影家庭照最痛苦! 攝影師見我們身穿白, 認為白底景著白衫效果不好, 反而我們就是喜歡那種白底好 pure果種 style, 哈哈. 唔知係個場風水唔好定係咩原因, 轉換左兩次場景再返黎影結果都係強差人意. 攝影師經常硬要我們望鏡頭影相, 唔識執生影我地望住哲哲果種自然流露出黎果種神態, 所以我地都笑到緊晒. 咁多張相當中, 比較喜歡有波波倒下來影的一剎那張, 另一張影出來很有動感的, 可惜哲哲的表情不好, 沒有揀選到

活潑跳脫

這個場景可以揀的相少得可憐 (我很喜歡哲哲穿這件格仔恤架), 這張相哲哲挺可愛, 見到假的蛋糕卻當真, 流起口水來~ 女助手在這裡被弄得很慘啊, 姐姐唱兒歌, 點知哲哲不喜歡, 姐姐問哲哲想聽哪些歌, 哲哲索性點歌唱, 豈料姐姐一開腔哲哲耍手擰頭叫停: "唔唱啦..."又或者說 "唔聽依個, 我要聽 xxx" 攝影師也因為女助手哄不了哲哲影不到相有點炆, 可能怕交不到差吧, 真是對不起呢~

型格書生

這個場景算是攝影師捕捉到哲哲變換 "pose"的速度了, 所以可以揀的相也比較多. 這兩個姿勢被偶爾拍出來, 很有明星風範 (呵呵, 我發緊白日夢做星媽? XDDD)

這張拍得哲哲笑得開懷, 可惜鞋底是敗筆...要不是這麼覺眼, 我們有很多張都很想要啊~~

四眼雞丁 look, 哲哲個樣好呆好入戲丫, 不枉我最後一刻才拎個眼鏡出黎, 才能拍下哲哲最真最傻豬豬的樣子, 嘻嘻

靜態悠閒

哲爸最喜歡這套衣服, 而我就最喜歡這個場景, 雖然覺得這套衣服不甚襯這個場景, 但也希望拍多幾張有多點好選擇. 可是哲哲偏偏不合作, 烏低身走去將地上的羊呀, 花籃呀, 白矮櫈搬來搬去 (哲哲, 依家唔係影你做工人搬運呀!!), 攝影師訓身極都影不到哲哲, 我見攝影師舉起相機好耐但都拍不到幾張, 未有相睇都心知肚明了...嗚嗚...

影影下哲哲經常走到隔離個窗望街, 反正都叫不回哲哲入戲, 攝影師臨時變陣, 拉開所有窗簾由得哲哲看街, 終於識執生走位影, yeah! 雖然拍出來的效果很普通, 哲爸更說無甚特別及技巧可言, 但對我來說我真係影唔到丫嘛, 而且我覺得由高影下哲哲望 sogo對出的街景也別有一翻意境 (係有 d野既, 但我又講唔出係咩)

勁爆 rock友

哲哲這樣扭, 部份原因是一開始攝影師帶哲哲看將會拍攝的場景及玩具, 原意是想引起哲哲興趣玩得投入 d, 可惜有反效果, 哲哲一見到這套鼓就心掛掛死扭要即玩, 攝影師怕哲哲離不開這套鼓影唔到其他場景所以安排到最後一場才影. 來到最後終於可以玩套鼓, 哲哲將所有屈悶爆發出來, 見他拿著鼓棒打得肉緊的樣子, 頗有潮州怒漢的影子, 哈哈

大家睇完我地呢輯相覺得點? 我覺得今次是個不錯的經驗, 有時以為拍攝時間長可以換多幾套衫多拍幾個造型, 對大人小朋友反而更辛苦, 基本上我們只換了 5個 look但都覺得很累了, 幸好我們在家庭照方面沒有聽電話的姐姐再帶多套衫來影

另外今次因為是免費拍攝, 覺得拎個經驗試玩一下也不錯, 幸好不用真金白銀比錢影, 否則我一定肉赤同炆哲哲影成咁; 揀落左既相其實都只係集中某一兩個景, 花臣唔多. 原打算影完這個影得好哲哲又合作可以在嬰兒展留心下心儀的另一間 studio有優惠就 join, 不過依家睇黎都唔洗啦, 可以慳返!

1st studio album @FACE Lifestyle Icon (拍攝+揀相篇)

終於等到呢一日, 齊齊去 studio影相啦!

前一晚不知幾好訓, 這早我們錯過了坐哲公公的車, 唯有慢慢坐巴士出發, 吃過早餐, 早了十五分鐘上到 FACE和攝影師見面, 順道給他看一下我帶來的衣服配飾有那些用得著. 攝影師將所有衣服邊放在檯上左搭搭右搭搭, 邊和我溝通稍後時間會拍攝哪幾個場景, 好讓我再想一下有那幾個造型應配哪套衣服

在女助手邊和哲哲熱身熟絡一下時, 我四周看一下, 長走廊的卡位現在冷清清, 一想到稍後揀相時實有一翻激烈 sell相拉鋸舌戰就手心標汗, 哈哈

一切準備就緒, 攝影師先安排照家庭照, 好讓哲哲和我們熱身後影單人照會更投入. 可惜拍到中途哲哲太不合作, 發脾氣扭計哭了好幾回, 令攝影師舉起相機許多次但都不能成功拍照. 唯有轉造型先拍其他場景, 稍後才補拍家庭照

轉了場景哲哲心情沒好了多少, 主要是因為他好奇心太強, 每每想打開櫃門找東西, 女助手不停唱歌跳舞哄哲哲都沒有反應 (簡直當透明, 嘿, 影小孩子的錢真的不易賺啊!), 哲哲不是低下頭專心玩道具沒有望鏡頭, 就是邊玩邊背向攝影師, 又或是動作太快, 攝影師來不及構圖及測光等就錯過了可以影的機會, 在我們眼中這位攝影師好似經驗不足, 好多次真的想搶相機自己來! (硬是要哲哲企/坐定定望鏡頭才拍, 應該影到天黑都影唔到十張...)

聽得出快門聲每個場景之下咔唰得不多, 攝影師對哲哲的表現無計可施, 很多場景都決定不拍了, 以下的藍天白雲及床頭景我是最喜歡的, 一片白茫茫拍出來應該會很美, 可惜...可惜...

拍到尾聲, 由鬼鬼鼠鼠拎 dc偷拍到明目張膽拍一兩張花絮也理不得了, 咁影法分分鐘唔知揀唔揀得落 package入面 15張相~

原本個多小時的拍攝時間, 最後竟變成痛苦兩小時. 攝影師一聲 "辛苦晒"結束了我們這天的免費娛樂, 換衫時預約部職員說最快這天下午可以揀相, 問我們需要再另約揀相時間還是可以今天完成, 難得不用等多兩三星期, 當然速戰速決啦!

吃過午飯後上了奶奶家讓哲哲叉叉電後, 哲哲睡醒就剛好收到 FACE的電話, 有相睇啦~ 乘車的時候問了哲爸一陣看相如果拍得好怎算好, 哲爸老定的說依哲哲的表現 + 這位攝影師的 "功力", 應該不會有這個問題發生, 哈哈

回到 FACE, 睇相部職員說這天共拍了 144張 (很少吧? 拍了 6-8個場景只得 144張, 可想而知當中的照片...唔...), 說完先 sell我們買下所有相, 我們說還是先看相再決定吧. 快速看完一次之後, 我們心中有數, 職員再落力 sell另一個 50張相的package, 看我們沒反應之後就行開了, 我們耳邊也樂得清閒

由於拍得好的真的不多, 我和哲爸快刀斬亂麻的一張一張的 cut走, 到餘下約 30張相的時候職員又再出現 sell買 30張相的 package, 我老實的說 30張相我真的揀不到, 所以也不用多費唇舌了. 也許職員也看過我們的相, 自知不能在我們身上說到買多幾張相, 也就沒有勉強走開了, 完全沒有網上傳聞會黑面啊. 我和哲爸揀相都算順利, 還以為會像當年揀結婚相那種要講定力講 strategy的感覺添! (眼看我們揀得超快, 後面那檯客不停的考慮呢張果張配哪個相架好, sell我們的那位職員真的無運行, 難怪當我說揀不到 30張相她有點驚訝啦...)

到最後 18張時, 其實還可以 cut到剛好 15張相, 既然不是太差又懶再 cut (雖然睇得好快, 但哲哲開始不耐煩發脾氣要走了), 而且單買一張只是 $48, 這個免費娛樂總得放下些少銀兩吧, 一於豪比佢! 最後埋單 $144, 好在之前夠定力無 upgrade比多千幾蚊買個 package咋!

其實 18張相也不是全部都滿意, 至少這天哲哲感冒未清, 經常流鼻水時, 在照片會看到鼻水漬/鼻孔有反光; 又因為哲哲哭過眼睛鼻子紅紅, 我們沒有 upgrade package FACE又不會執相, 不過哲爸說這都是很細微的東西, 沒有人會發覺, 叫我不要太認真喎 (但我真係一眼就望到喎, 咁點算先?) 等了數分鐘, 取回 image cd就回家了!

究竟影成點? 下回分曉!

1st studio album @FACE Lifestyle Icon (準備篇)

因為訂奶粉而得到一張 FACE Lifestyle Icon Studio的免費攝影套餐 coupon, 起初還有猶豫是不是美其名優惠套餐, 實則包極少相又或者免拍攝費但收買相錢, 為免被搵笨有隱藏的收費不自知, 於是打電話問個清清楚楚, 完全確定零收費才親身上門預約拍攝時間

是次套餐價值 $1288包 15 images (包15個不錯喲!), 額外就 $48/file, 一小時拍攝可換 4-5套衣服, 除了影一位主角 (即哲哲)之外, 還可以另包三位一齊拍攝. FACE職員帶我們略略看看場景, 不過就未確定到時攝影師會替哲哲在哪幾個場景拍, 但我已可以構思一下當天要穿什麼風格及顏色的衣服得出更好的效果

因為是免費的關係, 我們想零花費去享受這個額外驚喜, 於是不打算買親子裝大合照, 也不會為哲哲額外買衣服, 打開衣櫃, 找一找平常少著的/人家送的/之前買落但未穿過的來襯襯先:

四套衫另加一件白 tee應該可以包含書卷味, 活力動態及親子合照等場景, 一小時的拍攝應該不會有太多時間換衫, 換來換去只怕哲哲不耐麻影響心情...另外有小量配飾:

只有黑色紳士帽子算是為今次的拍攝而花費吧 (其實是哲爸想買很久但一直沒有買, 索性買回來讓哲哲到時或許用得著)

一直想和哲哲影這些 studio照很久了, 礙於哲哲有 "迴避鏡頭及眨眼症", 一直都不敢花錢去影, 就是怕去到不合作, 影不到又發脾氣, 貼錢買難受, 如今有這個好機會讓我們一試, 好期待好期待!!!