hot summer!

最後一個幼稚園雞的暑假, 很想每天都出去玩得高高興興, 暑假開始時有兩星期半天的小學適應課, 中途也要(帶住兩件)為新舊居頻頻撲撲做跑腿, 哪處都去不成, 臨近開學的時候又要執箱搬屋趕入伙同上模擬小學課程, 著實可以玩的時間不算多, 不過依然盡我能力帶住大細劉生四處玩, 希望哲哲和細佬都能感受到

暑假第一擊, 就係落商場去戲院睇早場! 幾乎每一年的暑假都有多啦A夢大電影上畫, 哲哲這樣喜歡, 當然要去睇, 呢日我地去睇德仔, 哲哲大個仔了, 睇戲時大部份都睇得明套戲講乜, 細佬比起上年也懂事很多, 睇動畫聽埋旁白都很理解, 一開始入去睇黑炆炆既「 大電視」係有d驚, 不過很快就好投入, 兩兄弟一路睇一路食零食, 不知幾爽!

「悠然。母乳生活」攝影展

aug 9

大約在十個月前, 上年年尾的時候, 在母乳協會看到有個攝影活動, 招募母乳媽媽為模特兒, 由資深攝影師張峻(Keith)操刀, 以寫實的手法及精心的場地選材(包括公共交通工具及公眾地方), 呈現母乳媽媽動人的故事, 藉影像宣揚母乳餵哺是媽媽的權利, 是生活的一部分, 只要寶寶有需要, 母親可隨時隨地餵哺孩子, 無需受外界影響

不知道大家有沒有發覺, 公眾場所很少餵奶室, 就算有, 好大機會是殘廁? 媽媽可以選用餵奶巾, 不過大熱天時焗住, 想想也覺辛苦吧. 這個活動正是希望大眾多點體諒, 也希望政府多點設立哺乳室方便母乳媽媽

當時覺得這個活動很有意思, 很快就發了照片, 填了個人資料報名了. 過了兩個月, 收到協會的回覆, 和攝影師Keith會面, 說了自己在母乳路上的經歷, 甜蜜與困難, 了解這個活動是完全不能用餵奶巾, 完全放開的情況下在公眾場所餵哺母乳, 對自己和家人來說, 無疑是需要極大的勇氣

這方面可幸哲爸非常支持, 經過協會一輪揀選, keith對我們的故事很感興趣, 有幸收到電話, 可以和其餘十多位媽媽參與活動

第一次攝影的日子, 定在上年一月一日元旦日, 那天剛好有遊行. Keith選擇這個地點是因為知道我曾經在遊行隊伍中埋身餵過, 可惜那陣子我大傷風, 推掉了這個機會

再到兒童探知館

aug 6

尋日和朋友仔完左最後一天的小學適應課, 結伴到沙田的香港文化博物館搞搞震~

夏熱天時, 除左游水同去展館(主要是有冷氣, 嘻嘻), 真係無咩好去. 剛好今天星期三, 當然要把握免費入館的優惠, 得半日時間, 去科學館肯定唔夠時間玩, 決定吃完午飯出沙田可以慢慢玩個夠

blogger試玩。We嘩! 充氣嘉年華 @奧海城之與「龍」同行

jul 26

期待已久, 「We嘩!充氣嘉年華」(下稱「We嘩」)又有得玩啦! 未到星期六哲哲已經we嘩咁嘈話要早d去, 出門的時候太陽很猛烈, 心裡暗讚好在「We嘩」在室內有冷氣, 不受天雨或猛烈陽光影響, good ar!

暴龍出沒! 

「We嘩」這次選址在奧海城, 對上一次來奧海城是2006年, 和哲爸同朋友一起來看世界盃決賽. 這天來的時候完全不認得路, 地方太大, 花了點時間才找到, 盲中中的情況下竟然比我地遇上暴龍!

上星期tbb pearl正在播「侏羅紀公園」, 兩兄弟睇足全場不知幾興奮. 這天暴龍突襲同途人大玩捉伊因, 細佬很好奇, 不停指住叫:「龍龍, 龍龍好大丫」. 咁像真, 皆因呢套荷里活特效恐龍costume由全港最high tech既技術製成, 首度曝光, 引到好多大人小朋友排隊爭住影相. 不過哲哲明顯心不在焉, 因為...

細佬面試相

jul 18

早個星期去了一間在fb挺多人幫襯的影樓為細佬影k1面試相

在哲哲的年代, 一般申請幼稚園入學用的相, 都是坐得正正經經, 用上證件相藍藍白白的背景去影的. 這家影樓影到d小朋友好像考名校般的感覺, 本來覺得整件事搞到有點誇張, 眼見朋友們的子女在報n1 k1時的相片都影得很醒目, 團購價$258/24張相雖然有點小貴, 但都好奇想睇下細佬會影成點(而且人人都影自己唔影好輸蝕咁, 哈哈), 所以都跟大隊幫襯了

那天因為三號風球, 橫風橫雨, 細佬在巴士訓著了, 一個女人仔一拖二擔住遮盲中中摸到影樓. 大雨下抱住訓著了既細佬好狼狽, 看看手錶早到了二十分鐘, 心想早點上去影樓坐坐避雨都好. 然而一開門有職員黑黑地面話拍攝時間未到, 不可以坐出面的沙發(那張沙發用黎做樣的嗎?), 怕會影響入面正在影緊相的小朋友, 要我們先離開影樓範圍

哲哲尿急想借廁所, 那位職員說沒有廁所可借, 叫我們到地下大堂問管理處

單是這兩件事連在一起, 想想都覺得太過份了吧, 做小朋友生意, 卻沒有做小朋友生意的用心

家用報告: Electrolux全新第五代Ergorapido二合一無線吸塵機 (下)

續上文, 拿了部Ergorapido吸庭機回家試用了兩三星期後, 真是越用越好用. 本來是打算在新居才用新的吸塵機, 結果開了Ergorapido之後, 舊的那部大牛龜已經打入冷宮

我們是屋村仔~

jun 8

這天下午約了公公婆婆吃放題, 早上沒事做, 冒著熱到會中暑的環境下, 應承哲哲同佢落樓下踢波踩單車

細佬也帶埋戰車一齊出動! 冬天的時候腳未夠長踩唔到, 依家夠長啦, 不過平常甚少帶單車比細佬踩, 所以細佬都唔係好識點一下前一下後, 要靠哲爸幫手推推

產品試用: Electrolux全新第五代Ergorapido二合一無線吸塵機 (上)

上星期好興奮的收到Electrolux伊萊克斯既邀請, 出席全新第五代Ergorapido二合一無線吸塵機既發佈會及產品試用

最近家裡大裝修, 即將要添置不少新的家電, 稍為網上搜尋一下都已經知道Electrolux的大名, 現在可以率先試用, 想也不想就答應了

3rd studio album @FACE Lifestyle Icon

jun 17

又團購影相了! 孩子大得快, 所以想九個月至一年都影家庭照留來紀念, 看看孩子成長的變化, 這次我們又到FACE studio影相

先來家庭照:

【裝修】搬屋記 (下)

搬屋後的第一晚, 可能冷氣機太舊(牌子還是national...), 開了幾個鐘還是很熱, 整晚睡不好. 哲哲同細佬反而訓得不錯, 哲哲沒有因為一個人一間房, 訓生保上格床而不慣, 反而好開心晚晚有冷氣嘆, 哈哈

而我和哲爸最開心的, 是晚上兩位劉生在房訓了, 可以好爽咁在廳食薯片睇master chef, 睇到夜一夜都吵唔到任何人~

又忙碌了一整天, 家中的物件還原得八八九九, 淨下來的不會用到就由它吧. 哲哲和細佬很快已經適應了這個家, 識得摷返bowling黎碌返場!

表面上睇好似間屋幾唔錯咁, 住左一晚後陸續發現好多問題...

廁所個洗水盤底漏水, 滴到下面個木櫃濕晒; 廁板無左螺絲上實, 成塊脫落跌出黎; 淋浴間壆位做太矮, 沖沖下涼d水去唔切會湧出不單止, 水流不是斜向去水位, 而是相反的流向大廳

大門既鐵閘鎖唔到, 木門鎖個彈簧老化了, 關門也lock唔實對門, 安全成疑, 屋內完全要靠防盜鏈lock門

還有廳房的幾部冷氣, 開極都唔涼; 廚房個抽油煙杯d油漬核突到嚇死人, 真係想問句, 係咪住左咁多年完全無洗過呢? 上一手唔通幾個月都唔煮飯咁忍得手? 見到黃共黑黑結成硬塊, 極度嘔心, 完全唔想煮飯...唔想動手去清理

【裝修】搬屋記 (上)

may 23

不得不說, 女人真係強, 兩個女人仔, 帶住兩個細路, 一個接返放學, 一個留家繼續最後努力執屋pack箱, 由早到晚無停,  幾個鐘內將間屋還原得七七八八, 真係唔講得笑

約左今日下午搬屋, 因為上午還要帶哲返學彩排畢業禮, 唉, 屋企仲有好多濕星野未執, 時間一點一點的溜走, 開始有d擔心執唔切

本來約搬屋公司兩點半, 好等接完哲哲放學食完lunch先開波, 點知搬屋公司提早到來, 唯有奶奶先帶住細佬接哲哲, 我留守家中等候. 時間到, 仲未執好晒野, 搬屋公司的五位大漢已經殺氣騰騰咁分頭行事, 有位師傅見我仍努力入箱中, 問準我幫手摺箱將我d雜物pack好搬走. 三兩下省手, 屋企所有箱同大件傢私都移走了

自己屋企影靚相 (二)

早幾日應承幫朋友拍初生bb照, 在櫃桶找回毛毛氈冷帽仔, 諗起以前同細佬係屋企影過d造型照, 襯今日陽光唔錯, 心血來潮和細佬影返幾張先!

半歲時既細佬成個呆佬無黎表情, 依家識擺chok樣囉XDDD

殺人於無形既超級武器

小心! 以下既超級武器殺人於無形, 威力達到十級, 一個不留心會令人心臟加速, 面紅耳熱甚至失心瘋不能自拔...

此武器愛賣萌...

執屋pack箱一二事

may 19

還有三天就要搬屋了, 早兩天從搬屋公司那裡拿到紙箱後, 每天逐點東西放入箱. 丟的丟, 收的收, 忙著安排一些不急用的到易存倉, 也忙著為大小劉生在現居留最後的回憶

問哲哲會否不捨得這個家, 之前還說很討厭因為又舊又爛, 現在卻說有點懷念了, 更叫我幫他每天都影一些東西: 影他用摺檯做功課的樣子; 影他在訓了五年多的小童床睡覺的樣子; 影他在廁所沖涼的樣子等等

這星期委屈了哲哲和細佬了, 哲爸公私兩忙, 沒時間幫忙什麼, 而我每天除了日常帶哲哲返學放學, 照顧日常起居飲食之外, 一有時間就執箱, 加上天天都落雨, 一放學就要屈在家, 又因為到處都亂糟糟不能亂碰, 悶親兩位劉生了

尿片試用: 噓噓樂(Sealer)透氣輕柔紙尿片

踏入春夏, 天氣開始濕熱悶焗, 最近和細佬換片的時候都有留心到大腿v位紅紅的情況, 冬天的時候還可以懶, 四五個鐘先換一次片, 然而春夏天怕有尿布疹, 自然要換得密一點. 每隔兩三個鐘換一條片, 話咁快一包片又用完, 銀紙好似燒錢咁...雖然我好滿意某牌的尿片, 不過慳得一蚊得一蚊, 見細佬可以擺脫細碼片決定轉用噓噓樂

買少見少的舊日遊樂場

may 3

這早和裝修師傅通完電話, 過了隔離村看示範單位. 走的時候發現了昔日小學年代的遊樂場!

雖然只是一小部份, 但足夠令我和哲爸興奮了! 現在的遊樂場七彩繽紛, 全都塑是膠物料, 玩的東西一點新意刺激感也沒有, 遠不像小時三角型的繩網陣, 爬鐵通, 爬消防柱爬到最高頂有個響鈴可以敲

哲哲有點惱, 問為什麼咁好玩既遊樂場d人要咁樣曬棉被呀? XDDDD

小朋友也可以入的機鋪 @西九龍中心的奇趣天地

may 4

岩岩兩歲就學人入機鋪? 仲學人一手揸棍波, 一手扭軑咁巴閉?

著褲記

apr 27

最近細佬常常將「自己做」掛在口邊: 食飯的時候要「自己筆」, 開鐵閘的時候又要「自己開」, 抺面刷牙又要「自己做」

這天早上和細佬換完片, 見手有少少污糟, 想先洗了手再幫細佬著褲. 此時細佬開聲話要「自己著」, 好吧, 既然之前都試過幾次可以自己著好條短褲, 一於比你自己著

洗完手, 轉個頭回來見到細佬著好左條褲. 正想開口讚竣竣時, 咦? 點解...望落條褲好似有d怪怪呢?

住在密室裡的魚

apr 25

這晚想吃油麥菜, 油麥菜非得配豆豉鯪魚才行, 於是叫哲哲到超市買. 愛吃魚的哲哲, 竟然不知道什麼是豆豉鯪魚!

說起來也是, 我們絕少吃罐頭, 又貴又無益, 所以哲哲根本不知道一罐罐裡頭裝的是什麼

「哲哲, 你知唔知道世上有一種魚, 佢住o係密室入面架?」

「密室? 密室係咪上次用網球殺人果套, 果間房咩都無果d?」

「係呀, 無門無窗既密室呀」

「下? 乜有d咁既魚架咩? 魚唔係住o係水度架咩?」

「有, 嗱, 條魚就係你面前啦, 你試下搵下啦」

春遊。馬鞍山公園

apr 14

這天本來另有節目, 可是天氣不穩的緣故臨時取消了, 不想白白浪費哲爸的一天假期, 於是回家拿相機到馬鞍山公園拍輯外影家庭照