唔齊腳 x 大埔火車鐵路館

上星期六鐵腳們原想踩場到 jayson新居

可惜 jayson疑似出水豆要留家休息

餘下的鐵腳唯有轉陣到大埔的火車鐵路博物館

又話車站等既? 點解唔見晒人架?

未知是否車站太大還是鐵腳們太興奮四處走

我們和其他腳仔失散了...

上到火車才剛遇上米爺, 米爺, 等埋我先開車, 咪走呀~~~

遇上 anson時齊齊玩火車, 在軌道上行 thomas火車又幾貼題喎

這天的天氣又是意想不到的熱和曬, 你睇茄茄幾幸福, 有牛生幫佢撥涼...爽晒~

幾位靚媽既合照, 可惜唔齊人啦...黑白照果張好有feel, 好似返到60-70年代咁 (photo by 王子)

因為哲哲扭肚餓

所以等唔切米 b影沙龍照就去酒樓先搵位坐低食飯

未開餐前三位男孩子都手執一架車, 仲不時互相交換黎玩唔爭玩具, 好乖 (哲哲仲因為一連兩次聚會茄茄都肯借架巴士比佢玩而愛上茄茄, 成日在家不停叫臻臻, 臻臻, 叫到好肉麻好曖昧, 行街見到同杏子咁上下髮型既又亂叫人杏子姨姨....真係上晒腦=.=)

哲哲除左玩車車, 仲好鐘意幫人影下相, 影完仲識比我地睇返影得好唔好架~ (photo by can)

白雪正在做人肉隧道比哲哲同 anson過隧道, 滿足其 "捐山洞"的心態 (photo by can)

呢間酒樓 (大日子)坐得舒服, 野食又唔錯

我地食到成檯都係疊到高一高都係每人七十蚊左右, 抵!

回完氣, 嘆夠冷氣我地繼續下半場

哲哲, 茄茄有事同唔到我地一齊去公園玩呀, 唔洗咁痴纏啦, 最多下次我幫你約茄茄兩支冷單獨聚會囉!

九曲十三灣, 都唔記得王子帶左我地去邊個公園玩, 不過呢個公園細得黎乾淨企理, 最正就係包場我地玩晒, 當中呢條隧道班小朋友玩得好開心, 睇下米爺個樣就知道啦!

越來越喜歡百變米 b, 時而趣怪乞人憎樣, 時而又可愛攞命少女, 特別係右圖既米 b, 夠傲慢, 我鐘意!

兩年來的混熟, 他們彼此已認得對方並發展出小小友誼出來, 簡單一條小樓梯, 只因有伴, 才可以玩得這樣簡單, 快樂

有人歡喜有人愁, 何事 anson喊得咁聲嘶力竭? 陰公豬...

 除了一起玩樂, 鐵腳們也有體貼關心好朋友的一面. 當 anson喊得凄涼時, mavis帶頭遞上一張紙巾, 哲哲也將手上的水分給 anson飲, 雖然一張紙巾一啖水算不上什麼, 但他們之間的友誼及同理心教我相當感動 (白雪, 你不用擔心啦, anson有好多好朋友呢~ koko, 你也別懷疑 mavis沒有同理心了, 她可是很懂性的一位小女孩) 

那邊廂嚎哭, 這邊廂已抺去不快事重現笑容, 睇下 mavis同 anson幾老友, mavis咁關照 anson, 快d上契罷~~~

mavis絕對是個性格女孩. 超喜歡 mavis貓蘇笑容同少女發悶氣的樣子, 好幾次見過 mavis這樣了, 依然覺得極度可愛

這天實在玩得非常高興, 天氣好又玩得盡興, 我們分別後哲哲一上小巴不久就睡著了, 美中不足是少了 jayson同茄茄, 很盼望齊腳出動的日子!