不是佐敦谷遊樂場 @佐敦谷公園

不計大食會生日會, 哲哲差不多有半年沒有和朋友仔一齊出外遊玩, 十一月尾的時候和大家相約到「佐敦谷公園」, 不過這個公園的名字取得真差, 剛好德福附近也有個蚊型 (又細又餵蚊)的「佐敦谷遊樂場」, 搞到好幾位朋友仔被的士佬送錯地方好冤枉, 怪不得邊玩邊等了大半個鐘都不見人...而我地因為年頭的時候去錯過一次, 所以今次出門前看清楚約定的名字及地方才不會搞錯

這個公園很新淨, 玩樂方面部份設施難度頗高, 有草地又有遙控模型賽車場, 下次可以和朋友仔帶埋戰車一齊玩. 秋涼來的時候還挺不錯, 不過大部份地方都無遮無掩, 大熱天時真的會曬死變人乾

邊玩邊等等得太耐, 哲哲開始玩厭遊樂場, 見到對面有個大草地, 不顧一切要我們一齊走入去

(其實我好喜歡呢張相, 好有日本仔影概念寫真咁, 借個位黎放相~~)

一踏入草地哲哲心情很不錯, 四處赤腳走, 也不理草地有點兒濕. 哲哲也樂於做我們的小模特兒, 任擺pose唔嬲

對我來說, 除了拍到哲哲望鏡頭笑得可愛的相, 最開心就是拍到全家照; 對哲哲來說, 自拍盞燈閃閃下襟完制急住埋位影就最好玩, 就算路過的人見我們就角度就得辛苦想幫手我們都善意拒絕, 因為自拍到一張靚既相真的好好玩同好滿足

這張全家照成了白雪幫我們在馬灣拍之後的另一佳作, 難得哲哲的笑容是真的覺得好玩而笑出來

見我們拍得高興, 哲哲也想自己影:

看在眼裡, 我覺得小朋友拍的相有種非現實, 很單純的感覺. 眼前這個小小攝影師神情好認真, 會(懶)專業睇返playback

草地除左可以做佈景板, 仲可以同朋友仔一齊踢足球~

https://youtu.be/tWNIC8-2BtY

聞說這裡還有個公園迷宮, 有機會一定要再來!