乖巧的哲哲

這幾個月懷了初一改變了我和哲哲的生活, 我們的相處方式, 在此想逐少紀錄一下我們的點滴

哲哲放暑假一星期後就發現自己懷孕了, 起初真的打亂計畫, 雖然不算太不舒服, 不過間接影響了哲哲什麼地方也去不了, 在家中也經常休息, 沒有心情陪哲哲玩. 一次半次時哲哲都很體諒, 後來每次哲哲要我陪佢去玩, 去街的時候我也說不舒服, 很累不可以, 未看醫生之前哲哲曾有點微言: 「做咩媽咪你最近成日都唔舒服? 飲多d水去痾臭臭咪得囉?」(哲哲眼中肚痛不舒服即係急大大想痾臭)

jul 27

第一次見了曾醫生, 哲哲也有一起來, 他見到醫生打開我肚皮上的衣服, 用jelly用scanner的搓來搓去覺得好好笑, 再看醫生的mon及聽到心跳聲覺得很奇妙. 回家後, 我第一次和哲哲說我有了bb, 他將會做哥哥了, 哲哲很好奇, 我和哲哲約定不要和其他人提起bb, 否則bb怕羞就會走, 哲哲好醒目回答: 「bb在你肚入面佢都走唔到架」

自此, 哲哲好乖, 見到我作嘔就會問我係咪唔舒服, 要唔要休息, 飲水, 食糖, 有時又會貼著肚皮和bb傾計, 成日問我bb幾多歲, 幾時在醫院出世

「哲哲, 媽咪要生bb時會同爸爸去醫院, 會好忙, 唔會在屋企訓, 媽咪會有好幾晚陪唔到你見唔到你, 你會唔會好悶掛住我地?」

「唔會, 你地生完bb會返屋企架嘛, 我o係屋企等你地囉」

jul 29

和哲哲正在玩uno的時候, 突然作嘔, 哲哲很緊張, 放下手上的白豆及uno, 走到廳內倒了杯水給我

「媽咪, 你係咪唔舒服想嘔呀? 唔舒服飲杯水先啦, 我地休息一陣先再玩過, 好無?」

又有好幾次真嘔的時候, 哲哲會走入廁所, 拍拍我的背脊, 遞紙巾給我:「媽咪, 我唔想你嘔, 我唔想你病呀, 我好心痛呀」