魔幻童畫舞會

jul 23 [6w0d]

七月中我們和曉航hazel來了個小聚

暑假的關係, 坊間有很多暑假的免費活動, 之前在網頁看到政府舉辦的魔幻童畫舞會好似挺吸引, 有得畫畫, 有魔術又有裝扮舞會, 於是我們這些九龍新界人齊齊遠征往港島見識一下!

去到會場節目剛剛開始, 我們先讓小朋友自由塗鴉熱身一下, 讓他們盡情發揮他們的小宇宙

工作人員為我們準備了個大圈圈, 拎齊工具就開始畫啦!

三位小朋友的塗畫風格不同, hazel的是慢工出細貨; 曉航喜用不同顏色, 而哲哲....是裝修工人油緊牆?

大作完成了, 七彩顏色的應該是曉航和hazel的傑作, 圍著圓圈有著深深的粗筆是哲哲的手筆, 都幾靚丫~

話明係裝扮舞會, 我們三人沒有為哲哲準備王子的服飾, 不過hazel碰到朋友仔, 一頭麥當奴叔叔的爆炸頭, 好型呀!

(做唔成王子唔緊要, 扮下野發下夢都好丫)

呢個活動除左有音樂, 芭蕾舞表演之外, 仲有個hip hop舞台, 有姐姐教跳hip hop舞, 睇下hazel跟得幾投入~

(排隊等候時剛好有氣球哥哥姐姐出來和小朋友影相, 睇下哲哲個樣幾驚, 唔知係咪驚個蜘蛛爪背脊呢, 哈哈)

排隊等左段時間, 終於可以做個皇冠手仗啦. 大人細路都好忙碌地剪剪貼貼, 究竟製成品係點既樣呢...?

登登!!

曉航心口掛住個「八兩金」金牌, 細心留意皇冠上面有條天線...; 哲哲就係hip hop, 多得哲爸弄條「金腰帶」做大地主喎; hazel最貼今日既主題, 完全係可愛魔幻美少女丫~

玩到個個都疲態盡現, 曉航在拍影過後更極速訓著, 我們唯有道別, 下次再約埋一齊玩啦