聯想遊戲

最近哲哲很喜歡玩一些不用任何道具, 隨處就可以玩的遊戲, 好似「打手板」, 「手指公柔道」, 「手心寫猜數字/英文字」等等, 當中哲哲最喜歡的, 是一個叫「聯想」的遊戲  

遊戲很簡單, 就是先想出一個題目, 然後說出所有和這個有關連的東西. 玩這個遊戲時, 有時會聽到哲哲說出出人意表的東西, 非常好笑

某天在搭馬鐵的時候沒事做, 哲哲又出題叫我和他玩了, 這次的題目是「黃色」

「媽咪, 你諗下有咩係黃色既?」

「唔...香蕉皮」

「紅綠燈入面既黃燈」

「奶皇包d奶皇」

「謝左既樹葉都係黃色既!」

一人輪住說一個之後, 哲哲突然冒出一句...

「丫...我諗到啦, 唔飲水既尿係黃色既!」

(嘩...哲哲, 虧你諗得出, 連自己成日唔飲水既尿都出賣埋, 甘拜下風!)

黃色玩到諗無可諗, 於是轉了黑色做主題, 而哲哲對黑色的東西也有自己的見解...

「鬼」(原來哲哲覺得鬼係屬於黑色的)

「燒燶左既野食」(咁都諗得出, 又岩喎, 應該係觀察我地燒野食時燒燶左)

「周x俊d牙!」

「周x俊d牙? 你又知周x俊d牙係黑色既?」

「我見到嘛, 佢打開口講野時, 我見到佢入面有兩隻牙係黑色, 其他就白色既」

(連人地咁私密既野哲哲都留心到, 真係...) 

呢個遊戲其實都幾得意, 隨時隨地什麼東西都可以齊齊brainstorming, 原來有好多事物一直在身邊但我們或許沒有為意, 最有趣的地方就是聽到哲哲有創意的回答, 我們最近樂此不彼地玩呢~