綵燈夜 @大埔海濱公園

sep 29

上年中秋初一還在我的肚子, 收收埋埋還沒讓人知, 今年是一家四口第一次過中秋, 襯這天哲爸放假, 我們到大埔海濱公園, 吸一口新鮮空氣, 晚上再賞月看花燈

難得的三母子合照, 做咩苦瓜乾咁架?!

大埔海濱公園給我最深印象, 是歲半的哲哲依偎在我香肩的一張相, 依家同細佬又影返張先~

哲哲大個仔了, 叫影相時一臉不耐煩, 難得一張正正經經照, 又忍唔住講聲: 其實我個仔真係幾靚仔架, 哈哈

呢一晚有綵燈會, 公園很多地方都做了規劃, 想到處影相都不太方便. 咦? 呢個景又幾得意bor

大灰狼呀~~ (其實我係扮緊小紅帽~)

人人話細佬似哲爸, 究竟有幾似?

笑容眼神都一樣似!

行到倦, 坐低食d茶點先~

兩兄弟好專心咁bor...

只有食既時候, 哲哲先係最投入, 影相先最自然可愛 (平時叫佢笑個樣就...err...)

細佬呢...無野叻, 最叻就係扭計同斷片! 見到哲爸飲野又要搶, 食完凍柑之後爆喊一場, 喊完唔夠三秒竟然定左型...訓左...

天色已黑, 我們先去吃點東西再回來

入黑之後, 哲哲影相就變得很勉強, 過後才知道原來是作病, 發燒作嘔

細佬就全程訓覺, 除左走果時剛剛醒返, 影左張「到此一遊」既相

其實仲有好多野睇, 有皮影戲, 有傳統扯線木偶, 又有猜燈謎, 不過哲哲不舒服, 逗留了個多小時就走了

這個中秋過得很平淡, 除了中秋前夕去了大埔賞燈, 之後一連幾天的節目都因哲哲發燒及嘔吐而取消了, 希望明年中秋大家都身體健康, 齊齊整整的一起過