mar 29
很榮幸收到pr姐姐既邀請, 可以率先試玩位於荃灣廣場既「We嘩!充氣嘉年華」之復活節環球遊樂園. 今個復活假, 落雨都唔怕無野玩喇!
對我們來說, 這個活動最吸引之處, 就是這個「We嘩! 大鯨魚 」. 襯未落雨, 第一時間衝上去玩左先!
『We嘩! 大鯨魚 及 小丑魚奇幻漂流』
- 首創自動開合口功能，分為彈床、攀爬及滑梯等3個活動區。攀爬區(即鯨魚口部)具備開合口功能，滑梯每30秒開口1次，待小孩攀爬到鯨魚口內，風機啟動合口，小孩魚貫地從魚內高處滑下魚尾，一次過玩盡3種樂趣。
睇廣告短片時, 哲哲已經好興奮咁問幾時可以玩. 當見到鯨魚個真身時, 竟然被鯨魚個開合口嚇親而遲遲唔敢爬上去
「媽咪, 個口好高呀, 我唔敢玩丫...」
起初哲哲只敢在大彈床度玩, 見朋友仔個個都sir到咁開心, 終於鼓起勇氣, 爬左上去...
「wow! 好刺激, 超高超好玩丫」
尾音都未聽清楚個人已經唔見左, 原來又再等下一次張開口爬上去了 (之前又話高唔敢玩, 依家又話好高好刺激, d人仔真係咩都佢講晒)
小朋友無一不喜歡, 影過合照見天色開始黑, 轉戰室內賽馬!
『我要做騎師』
- 依照人體力學設計及推動，各人更可在仿真賽道上馳騁，父母更可抱著年幼子女騎著大馬於商場內策騎。
除左『We嘩! 大鯨魚』, 哲哲最鐘意玩『我要做騎師』, 平時騎前後搖擺既木馬玩得多, 可以真係跑得郁既馬仔確係第一次玩, 最開心既莫過於可以同班朋友仔一齊鬥快衝向終點!
除左馬仔之外, 仲有長頸鹿可以騎架! 爸爸媽媽可以落場騎隻大馬同小朋友們一齊比賽, 邊個贏左仲可以o係呢個頒獎台上影張相, 威返次!
體力型又好動既小朋友, 仲可以到隔離玩埋呢個『反斗牛牛』, 襯排緊隊, 同隻可愛牛牛影張相先
「媽咪, 我同隻牛係咪好似樣呢...嘻嘻」
『反斗牛牛』
- 機動蠻牛可選擇手控搖擺幅度及旋轉速度等，可按不同的對象及實際需求調較難度。而且防撞功能良好， 配合底座充氣軟墊，充分發揮保護作用。
咪睇哲哲平時好似金霸王電兔, 精力充沛, 一上到呢隻反斗牛牛度, 竟然比隻牛甩左落地兩次! 係兩次呀! 真係少d平衡感同體力都唔夠隻牛仔鬥~
接連兩個體力型活動, 哲哲見到旁邊有隻牛, 可能見口喝, 竟然...
嘩卡卡卡, 哲哲你也太可愛了吧 XDDDDD
『親親乳牛』
- 具備揸牛奶功能及發聲裝置，讓小孩在鬧市中親嘗實感的揸牛奶滋味，亦能了解牛奶是從牛牛來而非包裝盒內，極具敎育意義。
睇下mavis揸得幾開心!
隻乳牛每揸一下都會有水奶出, 揸揸下奶時哲哲聽到牛仔叫, 猛話好搞笑好似真既牛仔呢~
若然是愛靜既小朋友, 場內的另一角還有個小小藝術廊可以一展其創意天份. 有應節既復活蛋上色, 多款得意動物造型既美工相架, 仲有負責創作及生產的瑞典公司專注兒童益智玩具可以買返屋企玩tim!
最近哲哲很喜歡做勞作, 這天主動的說要和我做個親子相架. 好啦, 我就暫時放下相機, 專心一致和哲哲做個可愛小笨象既相架同派對貓眼鏡, 享受下兩母子落手落腳合作既親子時光
除左以上一連串精彩既活動, 仲有以下既玩意都不容錯過:
- 瑞典首創造型流沙集無致敏源(不含麥麩 (Gluten)) 、抗菌、抗水、易清洗、不污染衣物等，讓父母安心，拿揑時有流沙般的獨特手感，又絕不容易散開，完全為小孩度身訂造，讓寶寶能在都市享受堆沙的樂趣。
- 『反轉夢幻堡壘』. 外型吸引的跳彈床，小孩可以在色彩繽紛的城堡中嬉戲，從而刺激小孩的視覺感官。
今日個活動真係好好玩, 場面安排得好有秩序, 一d唔混亂, pr姐姐仲送左氣球比每一位小朋友, 正所謂又食又拎, 班小朋友真係開心到極點
「復活節環球遊樂園充氣嘉年華」去到四月七號咋, 真係好推薦比各位小朋友, 快d同爸爸媽咪一齊黎玩啦~
沒有留言:
張貼留言