aug 8, 12
細佬, 懷孕四個月時, 已經知道你不吸收, 週數一直的落後三星期, 壓力很大, 吃了很多東西你都不長肉; 一轉眼你已經五個月大了. 由出世那天起, 你的體重一直對我和醫生來說都是個難題, 大肚到最後一個月才驚覺這十個月以來, 從沒好好享受這個奇妙又難忘的經驗, 到了現在, 我才發覺和那時一樣, 我亦沒有享受過這五個月的甘苦日子
奶粉事件, 隔岸觀火, 我已經諗通了. 唔再介懷磅數, 唔再患得患失計較濕片, 唔再諗什麼營養水要補奶粉的煩事, 只係想好好enjoy依家餵奶既日子, 唔想好似大肚時成日擔心無好好enjoy. 我曾經應承過哲爸, 餵到半歲的時候, 就會準備搵工出黎做野, 到時返工未必可以堅持到, 那麼餵奶既日子只能成為回憶
雖然奶粉事件是不幸, 不過很興幸細佬吃的是人奶, 是無可取代, 不用擔心貨源既衛生, 安全, 也不用擔心缺貨要撲奶粉買貴貨. 母乳是最好的, 是源源不絕的, 也是我給細佬最珍貴的愛
現在只要一條心堅持下去, 六個月可以吃固體了, 到時雙管齊下, 我相信細佬的體重一定會追貼的
aug 9, 12
最近細佬好牙痕, 見到咩就咬咩, 見到有新蟲蟲玩具就不停咬, 好殘忍呀)))))
aug 11, 12
最近細佬啜奶時成日bu bu bu咁bu黎玩, 無厘正經, 或者自己心情放開了, 無以前咁緊張. 沖涼換衫時細佬見到咪咪時, 就好似見到老朋友, 笑意盈盈會心微笑, 一係就兩眼發光, 眼既視線離唔開咪咪, 真係超好笑XDDDD
就快六個月大, 細佬比以前醒目左好多啊, 好似成日有意識咁用腳去踢野, 用手抓野, 仲識雙手並用, 一隻手拎唔住就另一隻手幫忙, 玩得興奮時仲會郁手郁腳亂咁fing tim!
aug 13, 12
以往夏天的早與晚, 哲哲都是穿件薄衫開風扇就訓, 訓到成頭汗都唔識醒 (我地就怕熱到房開冷氣舒服晒, 美其名唔想哲哲自小嘆慣晒, 但其實好自私咁...有時真係好熱好焗先會開埋冷氣比哲哲), 依家日頭熱少少, 細佬就已經訓唔到. 呢日太熱開個冷氣, 當堂訓著仲好好訓tim!
睇黎細佬都係敗家架喇...想慳d都唔得囉...
aug 15, 12
第三日了, 連續三日個胸都好軟好扁, 一點脹奶既感覺都無, 細佬啜一陣就無, 好炆好炆咁, 不停咁喊足全日
究竟我係咪就快無奶要收皮喇? 還是就快m到所以唔夠奶?
又食手又喊到咁肉緊, 聽到心都煩頭又赤, 細佬你乖乖靜下啦...
aug 16, 12
細佬日間清醒既時間越來越多, 除左訓o係床, 都開始抱起佢比佢借力企下. 細佬都幾好力, 借到力時企得唔錯, 仲好喜歡成日企同遞腳想行, 不過奶奶就不太喜歡我地咁早比細佬企, 怕細佬未夠力, 太勉強會令佢O型腳
沖涼時喜歡拍水, 就算d水花彈到眼同面都唔驚bor, 呢方面比哲哲小時(現在也是)絕對大膽. 令人甜蜜的是, 細佬很喜歡哲哲, 成日望住哲哲, 哲哲走過細佬總會望著, 當哲哲笑時細佬也跟住一齊笑, 睇住呢兩兄弟笑來笑去, 真係一件美滿既事
開始發現自己有對腳, 每日樂此不彼的玩弄著, 好可愛呀~
aug 17, 12
五個月了! 終於可以輕輕鬆鬆, 乾淨俐落咁轉身了; 扒低方面, 依然很討厭, 依然頭dup dup咁, 上半身的力量不夠啊...
開始有爬既意欲, 為了引細佬爬, 我會色誘佢 - 打開衫引細佬爬過來, 不過細佬正懶精, 見出盡力都爬唔到就索性唔爬! 搞錯! 色誘都無用!
前排成日玩手望手, 依家開始玩腳玩大脾, 正正式式開始食萄提子啦~~~
沒有留言:
張貼留言