水清沙幼 @海下灣暢泳

jul 29

炎炎暑假, 不跳進水裡暢泳實在太浪費了. 這天即興和同村的朋友仔思賢去游水, 本來想去斧山道泳池玩海盜船, 可是今天是公休, 腦裡想起朋友之前到海下露營, 說那裡的沙幼水又清, 於是就決定試下新地方

在西貢碼頭轉小巴再入海下, 雖然感覺上去西貢好似比去大清近, 實質計起西貢入海下那轉小巴車程不短呢~

兩位小男生邊搭小巴邊你一句我一句, 眨下眼落車到左啦~

沿著小徑走有條分叉路, 左邊的那個灘較細, 朋友建議我們到右邊的海灘落腳

人跡罕至, 赤腳踩進沙裡, 軟綿綿的, 果然是水清沙幼啊

換好泳衣, 細佬已經warm up完畢, 自動波拎道具去玩啦~

一輪熱身, 細佬自己衝落海度玩tim! d水好涼快, 好舒服丫~~

這邊廂細佬玩得斯斯文文, 另一邊哲哲同思賢就...

也有人專誠帶狗仔黎游水, 細佬完全唔驚, 走埋去摸隻狗仔想同佢玩呢~

「我要做沙灘排球小子!」

說來真是有緣, 和思賢除了是同村友之外, 思賢和哲哲同是k3生, 思賢的弟弟, 思諾和初一的誕生日只差兩天, 難得我和tracy又是全職媽媽, 閒時一齊玩, 每星期三晚又會一起晚飯, 好喜歡這樣的即興約會啊~

玩到無野好玩, 開始玩發掘出土文物XDDDD

埋咁少都唔夠好玩, 於是搵細佬來第一波的試驗...貪佢夠矇唔識反抗XDDDD

「你地玩完未? 快d拉返我上黎...」

嘩卡卡卡, 細佬一路都無反應睇住我地慢慢咁埋左佢, 郁都無郁過XDDD

埋完個細輪到兩個大, 睇下兩個邊個可以比熱沙埋住鬥耐唔郁, 結果思賢贏左~~

見太陽就落山, 我地都趕緊沖身換衫搭車走, 因為最後一班小巴在6p.m.開出, 我們想趕5:30果班, 可是人太多搭不成, 唯有再等下一班

位位$15! 呢個沖身房應該叫餵蚊房就真, 又黑又窄, 最慘就係一打開門成堆蚊等住你開餐, 雖然個灘幾舒服又乾淨, 唔洗同人迫, 不過交通同方便度真係不及大清, 試過一次, 下次都係去返我們最愛既大清lu~