晚上和哲哲到灣仔玩具街買生日禮物, 我叫哲哲揀一份禮物, 哲哲開心到以為自己聽錯 (緊係喇, 平時阿媽咁孤寒咩都話唔買), 可能就係咁, 哲哲揀左好耐, 諗左諗右, 知道機會難逢, 所以要好好認真諗下
睇左好耐, 耐到要催佢先決定到. 最後揀左個遙控飛機仔
細佬都有小禮物, 皆大歡喜
然後去了吃哲哲最愛的outback steak, 食食下哲哲突然喊上黎, 話今年生日好滿足感動, 有禮物收, 又食左鐘意既芝士薯條, 又有爸爸媽媽細佬錫, 咁傻豬既舉動真係令我地意想不到, 原來哲哲有顆感恩的心
不過呢餐飯哲哲就食到心不在焉, 因為覺得遙控飛機仔應該很難有機會在屋企玩, 一定要去街外先有, 決定換另一份原先考慮過的小禮物, 最後換了星戰的航空母艦
這件事亦啟發到我要鼓勵哲哲信任自己的決定, 也要讓他有多一些機會作出選擇, 平時給他零用錢決定買什麼零食/玩具總是想很久都拿不定主意, 這點猶豫不決的性格, 真的要好好改善一下
食飽飯換好禮物, 這時我們的驚喜未完. 我地賣關子騙哲哲說仲有下半場, 要帶佢去打邊爐, 仲話有牛丸, 龍蝦丸, 墨魚丸八爪魚丸等同沙嗲湯底, 嚇得哲哲怕自己食唔食得落, 哈哈
登登登櫈! 開估喇~~ 哈哈, 就係H記的雪糕火鍋, 兩兄弟開心到癲呀~~
哲呢...從來都係慢慢食, 慢慢嘆既人, 細佬就相反, 決定一件事通常都很快, 吃的時候也是很快, 搞到兩個成日鬧交, 哲哲投訴細佬食我太快太多食晒d雪糕球, 哈哈
古靈精怪既細佬XDDD
沒有留言:
張貼留言