六月中的時候收到中旅旅遊展澳門新酒店的offer : 每位$619入住新濠酒店明星匯特大床, 包來回船飛, 影匯之星(8字摩天輪)及蝙蝠俠夜神飛馳入場門票. 好耐沒有到過澳門, 竣竣直頭沒去過, 見日子也夾, 價錢也合理, 於是就成團了
我們一家四口連埋奶奶, 只係需要多買竣竣的來回船飛就得, $2800住個兩日一夜, 這個價錢算抵玩吧~
昨天才結業禮, 放暑假的第一天就有得去旅行, 開心到飛起!
訓夠, 施施然出發, 吃過早餐, 上船囉~
竣竣第一次搭船去旅行, 好期待, 仲以為好似搭飛機有飛機餐食, 正一傻豬豬
落船後有電話卡自動販賣機, 因為奶奶返完半日工先join我地, 所以幫佢留心定, 等佢唔洗唔知邊度買
上網見人話新濠既人手做事比較慢, 單是check in搞成個幾鐘, 幸運地, 我們一點到達時人不多, 本來說三點才可以check in, 結果可以給我們早一點拎房
這次我們入住明星匯, 間房好大! 新酒店果然唔同d, 張床超級的大, 訓三個人都不成問題了. 雖然浴室沒有浴缸, 職業病上身既哲爸都欣賞酒店潔具方面有d誠意, 用料不錯
沙發床夠晒大, 不如竣竣今晚你訓呢度, 等我同爸爸訓多d位好無? XDDD
放低野後, 在酒店四處閒逛, 兩兄弟頻頻好奇, 點解酒店入面可以咁大有咁多商場鋪頭XDDD
四年沒到過澳門, 不知道原來澳門的酒店服務這麼好, 免費接駁車有這麼多路線可以選搭
第一站緊係要去氹仔喇~ 波霸魚蛋仲係度, 但哲哲話$11得果兩粒大魚蛋, 比香港貴得多, 所以食返細粒魚蛋就夠喎, 真係識計數
又來了必達士吃木糠蛋糕, 雖然貴, 但真的很好味啊
食豬扒包不用再吃大利來了! 周街都有豬扒包, 呢間係買大送小, 菠蘿豬扒包又幾得意, 岩晒鐘意食菠蘿包既竣竣
每次來都必定大排長龍的晃記, 杏仁餅和蛋餅更是哲爸必買
奶奶也來到酒店了, 我們又搭回接駁巴士到摩天輪看風景. 人不算多, 排了十分鐘左右就上得
不過工程還在進行, 基本上沒什麼風景好看. 這個玻璃地板好嚇人, 沒人敢踩過去XDDD
接住去睇蝙蝠俠4D show, 去到才知道未滿120cm不準進入, 慘了, 兩兄弟好愛super heros, 如果竣竣知道無得入, 實會喊死
果然, 一聽到門口把關叔叔話唔入得, 即時撲入哲爸懷內痛哭, 好在最後都好乖, 一杯雪糕加隔離一些展品, 影下相就搞掂了:)
入面個4D show做得唔錯, 幾逼真, 有優惠/免費可以看看, 如果專程來睇就不必了
晚餐去了氹仔的山度士吃葡餐. 一場來到怎能不吃葡餐, 讓兩兄弟見識一下葡餐和香港的食物做法有什麼不同. 水準依然, 也許場內冷氣太大, 食物熱度有點不足. 兩兄弟最喜歡吃葡式蜆, 炆牛尾和燒乳豬, 頻說和香港的口味不同, 非常喜歡. 這餐幾支啤酒連果汁無加一, $1065都ok 喇
甜品時間, 有奶奶喜歡的榴槤雪糕, 一杯貓山王D28索價$98, 好貴啊~~
吃得太飽, 決定散步回酒店. 騙了兩兄弟說酒店內有條河, 也有船, 兩兄弟不慎有詐, 見到威尼斯人入面真係有條河, 話要影相留念, 最好笑竣竣話點解明明係夜晚, 個天仲係咁光既, 以為呢度係不夜之城XDDD
晚上的新濠影匯好漂亮呢~
酒店梳洗後, 將兩兄弟放到奶奶房, 我和哲爸到賭場運吉, 唔識賭又唔鐘意賭既人, 入去只係為支水, 仲唔係運吉? XDDD
初一陰公豬囉....
回覆刪除