哲跆拳升級試 - 升藍紅帶

aug 28, 16

一年一度升級試又到, 這次醒目了, 去旅行前先問一下袁sir幾時會考試, 免得去了旅行又要等下年

朝早集合熱身後, 就開始分段考試, 開始的時候是耍套拳. 這一組的學員表現不錯, 最近哲哲參加了套拳比賽, 加操了幾堂, 所以動作比較純熟, 手腳協調性比以前好, 雖然力度及動作仍有很多不足, 但比起一年前的他已經大有進步

下一個項目要踢板, 哲哲清脆俐落, 一下完成, 好叻仔!

呢一part係要限時內踢夠唔知幾多下, 哲哲就有點求其, 個心一味諗住踢到就得, 其實有埋助跳會好好多

三十秒內綁好色帶, 對哲哲來說無難度, 不過真係有其他學員限時內完成唔到, 見到佢地一路綁但綁唔好真係好緊張

重頭戲 - 搏擊上場! 著晒全副武裝既哲哲好型丫~

之前成日話自己好勁平時練習點打低師兄弟, 就睇下哲哲今日既表現係點先. 這天考官編了同色帶但比哲哲身材高的學員對打, 睇個款已經先輸一截. 比起以前, 對打時自信左, 夠膽主動進攻, 雖然力度不及對方, 但見到哲哲好進取, 令人好驚喜

即場示範點踢腳, 型到呢XDDD

自從升上藍帶之後, 過往每九個月一次試, 變成了一年一次試, 難度越高, 所花的時間更多. 一起升級的師兄弟也越來越少人, 同期學員得返一個. 想起學跆拳就快五年, 來哲哲由不太喜歡到很喜歡, 實在是多得同班的師兄弟結伴一齊學, 有伴哲哲上得特別開心, 也多得袁sir軟硬兼施, 捉到哲哲既脾性令佢肯繼續學習

曾經有過一段時間哲哲因為做不好常常捱鬧, 也試過為了一個扎馬而含著淚被罰留堂, 那次之後哲哲有所改變, 由從來不肯參加任何比賽, 到決定嘗試參加表現及比賽, 為的是訓練他的自信心, 就算明知失敗也不要緊, 志在參與, 面對群眾, 培養自信, 這是袁sir很想哲哲做到的

月尾哲哲第一次參加比賽, 最近努力和同伴加操中, 希望哲哲能夠帶著考藍紅帶既自信, 挑戰一下自己

p.s. 早兩天上堂的時候收到新色帶了, 恭喜哲哲努力了一年成功考取藍紅帶~