十月某天晚上, 哲爸飯後落樓去運動場練跑, 細佬得悉後邊換運動服邊嚷著要一起去, 哲爸趕著出門沒有理會, 留下細佬嘩嘩大哭, 那次之後哲爸應承了竣竣再有機會的話一定會帶他去跑步.
適逢十二月哲哲學校有個聯校運動會, 哲哲被老師挑選入田徑隊有份備賽, 想起此事, 決定找一晚帶兩兄弟去跑跑圈. 竣竣聽到哥哥有得參加比賽, 也嚷著要參加比賽. 跑完兩個圈, 發現竣竣跑姿不錯, 既然竣竣也想嘗試比賽的滋味, 決定上網找一下兒童田徑比賽
google了一下發現有間名叫恩格斯兒童康樂體育會正在辦一個田徑比賽, 日子就在幾星期後, 地點也不遠, 正好給竣竣一個機會去嘗試, 於是就報了20米同30米的短跑比賽(盛惠$240報名費)
雖然係玩票性質, 但我們都好認真一星期抽一兩晚去練跑, 又在youtube找一些片給竣竣看起跑
及衝線的情況. 一家人齊齊做運動, 可以看到哲哲在學校學到了什麼跳遠技巧, 又可以陪竣竣練跑, 都係一個唔錯既親子活動
兩星期後...來到比賽那天, 我們領了賽事包後, 哲哲就用學校田徑隊教的方法帶領竣竣做熱身, 身為哥哥既哲哲今次都好重視細佬既比賽成績, 非常希望竣竣跑第一拎冠軍, 同佢一樣都咁勁喎
one more two more...
呢張相影得兩兄弟好有愛丫~~
跑20米的時候, 因為竣竣太緊張, 遲了起步, 所以未係最佳發揮, 不過已經好叻仔, 至少無喊無跌低, 然而短距離既比賽不是竣竣既強項, 竣竣有的是耐力啊
到跑30米時, 明顯比跑20米時集中了, 知道起跑的槍聲是如何, 然後一直的跑呀..跑, 雖然最後落敗了, 名次是百多人中排廿名, 但見到竣竣兩場比賽都是笑住地邁向終點, 係好開心好享受既表情, 相信竣竣已經當自己得了冠軍了
賽後表情: 哎呀, 拎唔到獎牌tim XDDD
竣竣: 媽咪, 呢d獎我有無份架? XDDD
摸左當拎左, 在我心目中你早已是冠軍喇~~
竣竣喜歡跑步, 其實我們都有意栽培他發展其興趣, 不過見網上的意見都說小朋友不宜太早做田徑訓練, 說會影響肌肉的發展, 所以我們留待小學的時候讓老師發掘這顆小寶石, 現在多抽點時間陪他到運動場跑跑跳跳就夠了
沒有留言:
張貼留言