小時候參加過童軍, 對於帶著營具攀山涉水, 扎營起營火晚會夜晚睇星星的印象很深刻, 一直都很想和兩兄弟去試下, 可是露營需要準備很多物資, 我怕買了一堆回來兩兄弟不喜歡會浪費
早陣子ohmykids x 自由約舉行「不完美露營」活動, 地點就在西九, 還有工作人員帶活動, 所需準備的物品也不算多, 最重要是免費!! 二話不說即時申請, 幸運地收到電郵通知中籤了, 也有一份活動安排及準備清單的附件, 活動好吸引, 真係好期待可以快d 去玩
同兩兄弟講即將去西九露營, 佢地都一臉奇怪: 成日去西九野餐, 乜果度可以露營? 不過知道有得扎營訓戶外, 哲哲同細佬都好興奮好開心 (可能我成日同佢地講童軍露營生活幾甘多姿多采XDD)
前一晚執拾物品時, 越執越多, 帳幕之前淘寶過四人營, 雖然不是正統的野外露營用, 為免新屎坑買完少去屋企又要搵位放, 決定頂硬上用住先, 訓一晚應該無咩問題掛...至於營燈地蓆同睡袋, 幸得T小姐借出, 總算以最簡單及便宜的方法解決了物資問題
期待好久的「不完美露營」, 帶住毛雨的天氣開始, 還以為拖喼過一晚好似好誇張, 原來都有好多家庭同我地一樣呢~
工作人員正在示範點樣起營, 講解完一次, 就要小朋友同爸爸媽咪一齊set喇~
竣竣正在學習點樣扎營, 不過我地果個係自動營, 一啪即開, 好方便XDDD
營地位置大會好公平地為每家庭安排好, 每一幅地都用尺量過去畫低, 只要不超過範圍打擾到別人就可, 地方非常充裕
就地取材, 用石頭打營釘入草地~
這個只是一般野餐用的營帳幕, 和其他專業的比, 我們真的好小啊...
我們的位置在最出, 無人阻擋既view真的很美...
扎營完畢, 準備移去用餐區, 無火無電照開飯, 因為西九草地不能生火, 所以我們準備了簡單的便當, 亦有見人到圓方買pizza同壽司食, 帶少樣唔洗煩
做了簡單的冷烏冬, 雞翼, 壽司卷同提子, 還有麵包同零食, 可能未必夠飽, 但頂一晚應該ok既...
晚飯後開始精彩既活動, 玩左好多個集體遊戲, 小朋友都好投入, 哲哲覺得太低b唔肯玩坐埋一二邊
之後夜間野外定向, 哲哲即時醒晒. 每家有一份地圖, 要摸黑去座標搵砌圖, 好刺激~~
我們和其他營友結伴一起找, 途經小食店的老闆支持小朋友, 請大家一人一杯燒賣魚蛋. 天冷時有熱辣辣魚蛋做宵夜暖肚, 好窩心
西九雖然唔可以起火玩營火晚會, 但工作人員又點會令小朋友失望呢? 人人將手上的營燈放到中心, 開始bedtime story. 一人一句接力講故仔, 充滿惹笑又open end既結局, 大家都懷住滿足既心情準備訓覺喇~~
夜深, 一個二個都訓著了, 你地就好喇訓中間咁暖...我就訓邊邊得被角, 凍到雪條訓唔到>.<
半睡半醒, 反反翻翻典黎典去, 終於磨到清晨. 一打開個幕諗住吸下新鮮空氣! oh no! 落緊毛毛雨, 出面d鞋同袋濕晒, 唔通尋晚半夜落雨黎?! 但我地訓係營入面, 完全聽唔到聲, 又感覺唔到濕同滴水bor
大霧得好緊要, 草地都濕透了
這早早餐之後, 本來有個「玩咩你話事之一人一表演活動」同集體遊戲, 因為草地都濕了, 工作人員話活動取消, 我們可以收營自行回家了. 好可惜啊...申請活動時填寫兩兄弟帶領大家做跆拳操, 哲哲仲同細佬一齊夾練習呢~
多得張地蓆救左我地, 移開個營時d 被邊邊角位都濕左, 只得塊地乾身, 咁我地訓上去先無凍親咋
食過早餐, 同小朋友道別就走lu
原以為無冷氣, 無電視, 無高床軟枕, 兩兄弟會唔習慣, 試過一次就怕怕. 多得ohmykids工作人員好用心舉辦這個活動, 哲哲同竣竣話好好玩, 仲話想下次同朋友一齊露營. 哲爸話一晚半晚訓得唔好都ok la...但下次真係要去, 唔該買返個正式既野外露營用既四人營先好叫佢XDDD
沒有留言:
張貼留言