狗公園

天氣好的時候, 喜歡帶哲哲到樓下的公園跑步踩單車, 因為就近都有很多住客喜歡養狗, 所以很多時都會見到狗主在不同的時候帶狗散步, 這個公園就順理成章成了狗公園

呢個公園有班定期既狗主帶狗隻散步, 早上中午晚上總會見到同一堆狗仔, 所以我地行過買餸又見到, 同哲哲落街跑步又會見到, 連去巴士站搭車經過都會見到, 喜歡狗隻既哲哲又點會唔把握機會同狗仔親近一下...

多起上來, 同時間會有十幾隻狗仔四周跑, 哲哲次次見到都好開心, 見到班狗仔飲水又會好好奇想睇下佢地點飲水

好在狗主們好 nice, 就連班狗仔都好乖唔多兇人, 唔係哲哲下下咁熱情追住 d狗叫, 真係會嚇親班狗仔. 班狗主見到哲哲都開始認得我地, 見哲哲咁想摸 d狗仔, 我都膽粗粗開口問可唔可以比哲哲摸下, 好在 d狗仔都肯比哲哲掃背脊, 仲好舒服咁 wor!

玩到倦倦地又抖下...得閒又望下哥哥踩單車玩花臣

夠鐘啦, 係時間返屋企啦...

呢個公園真係幾唔錯架, 幾乎成為我同哲哲日日必到的地方, 儲儲埋埋有好多快樂但平淡的小回憶呢~