一雞四味

踏入生日+父親節月, 慶祝活動繼續精彩, 因為 上年我們在 join海洋公園會藉 時得到四張免費飛入場, 所以一年前就已經約好哲公公哲婆婆同牛姨今年六月一定要來一次!

對於我和哲爸來說, 我們這一年光顧海洋公園的次數, 已經令我們賺回票價了, 但對哲公公婆婆來說則有十多年沒來過, 對上來的時候我們還只是十來歲的少女, 所以他們再來海洋公園看到變了這麼多都感到很新奇. 原先還趕得上去睇 koko介紹的天上王者, 可惜正當入場的時候哲哲被側旁的發霉火車吸引住, 點都要玩一轉先肯走, 陪佢玩完一轉, 都滿座了...

黎咁多次, 哲哲都係第一次玩呢d要入錢既 game, 平時我地係唔會比錢哲哲入, 怕有得一次哲哲次次死 lur要錢玩就擺平唔到. 今次因為哲公公同牛姨, 比佢地偷雞成功, 襯我行開黎入比哲哲玩 

不過見到哲公公同哲哲一齊玩既背影, 我覺得好sweet, 哲哲仲玩到擘大個開O晒嘴, 好搞笑!

天氣真的好好, 在海洋公園竟然發現了這片黃花+藍天, 美得像有點到了京都似的...

最近哲哲學懂微笑, 不過他的樣子...似便秘痾唔出多d, 嘩卡卡卡

有 coupon用得唔好曬, 見熱又有點倦去了嵐灣茶座吃個下午茶先...

玩到差不多六點, 我地就離開去吃晚飯了. 這晚我們到了 阿麥廚房, 環境很別緻, 食物的味道也不錯, 所有餐牌及餐桌上的公仔都是人手製作的, 很有心思. 此餐廳有一個角落放了一些書籍音樂, 供有心人交換閱讀, 互相分享

翻開餐牌, 款款都很吸引很想吃! 因為我們點了幾個餐, 事後都忘記了自己吃過什麼, 原來 阿麥廚房有自己的網頁, 可以看回之前的 daily set dinner的

是晚有周打蜆湯及蕃茄凍湯. 我的是周打蜆湯, 味道太淡, 很水狀, 不是我喜歡的口味. 頭盤是 parma ham salad. 這個價錢都不預期 parma ham會出色, 不過不失吧

除了我和哲爸點了扒餐, 他們都要了意粉, 賣相不錯, 香味撲鼻, 味道也好

一分錢一分貨, 哲爸念念不忘 圓華薈廚 的羊扒 (其實我都係:P), 不過我們慣性點西餐就算有意粉吃, 都一定會點羊架同牛扒的

這裡最好是 set dinner可以比你任選 menu內所有的 coffee or drinks (除了酒之外), 不會只讓你飲 regular coffee or 普通檸茶奶茶之類, 所以餐牌上的凍飲不用另加錢, 哲爸和哲公公就最開心, 因為可以飲平時貴貴地又要加錢既 espresso同 long black了

飯後甜品來了, 稍和服務生說一聲, 他們就插上蠟燭在 cheese cake上, 慶祝是晚壽星哲婆婆同哲爸 + 父親節 (我呢? 我都係六月出世架wor, 點解無我份?!?!), 因為哲爸同哲婆婆的生日只隔一天而且又近父親節, 所以比牛姨可以一雞四味, 一次過慶祝晒生日同父親節啦 (益左你啦牛姨! 唔洗分開幾餐食~)

難得一天整家人由早玩到晚, 行足成日, 希望哲公公同哲婆婆無腳痛腰倦, 埋怨下次唔同我地班後生癲啦~