日常對話

某晚晚飯後和哲哲到樓下的小公園散步, 回程的時候我和哲哲望向星空

哲哲: 月亮呀! 仲有好多星星!

我: 係呀, 咦, 今晚個月亮圓形喎, 之前係半圓形呢

哲哲: 媽咪我要捉星星丫 (伸手上天空捉). 哲哲唔夠高, 爸爸夠高

我: 傻豬, 星星好高架, 爸爸都唔夠高捉星星架

哲哲: 哲哲要食多 d飯飯先夠高捉星星

我: 嘻嘻, 係呀, 咁你食多點飯飯, 要高過爸爸, 帶埋媽咪一齊捉星星

(傻豬, 任你食幾多飯飯都唔會夠高捉到天上面的星星, 不過可以和你手拖手邊談邊說星星, 比捉到天上的星星還要高興呢)

有晚, 因為頭痛所以想早點上床休息, 為此哲哲扭計不肯睡覺

哲爸: 哲哲乖啦, 媽媽唔舒服要訓覺, 今晚爸爸拍拍啦

哲哲: 唔要, 唔要爸爸, 要媽媽拍拍丫

我: 哲哲, 媽媽唔會永遠在你身邊, 唔一定每一晚都可以拍到你架, 你要學習自己訓唔洗人拍架啦

哲哲: 唔會架, 媽媽一定拍到架 (語氣堅定)

(聽到哲哲這翻話又感動又傷感, 感動是因為世上竟有這個小人兒這樣依賴著我; 傷感是媽媽真的有天會離你而去, 雖然這天很遠很遠才到, 但也不肯定會不會就是明天啊. 不知道長大後哲哲會否曾記得這麼的依賴過我呢~)

某晚吃完飯, 服務生送上凍檸茶時...

哲哲: 爸爸, 哲哲要飲 (跟住哲爸給哲哲自己捧著喝了一口)

哲哲: (飲完) 哲哲請爸爸飲~

當哲爸正在飲的時候, 哲哲又搶著說: 爸爸要分享, 到哲哲飲~

(哈哈哈, 好醒目, 自己先喝, 再請爸爸飲, 爸爸飲了兩口就迫爸爸分享到返自己飲, 哲哲, 你係得既!!!)