jan 30, 11
年廿七先去了花墟探好友, 見好友返新工如此開心, 真好~
經過有小食檔, 天時凍最想吃炒栗子煨蕃薯~
沿途走都有好多人買花過年, 我們不識花, 不過有盡「識得幾多教幾多」和哲哲介紹什麼是什麼~
冰山一角, 這天的花墟真的好多人丫! 有人在鬧市中擺檔賣手寫揮春. 這些叔叔手字真的好端正, 不過看的人多, 買的人是零 (包括我在內, 不好意思喔...)
走上雀仔街, 檔檔掛滿雀籠, 入面既雀仔好可愛. 中途哲哲見到鸚鵡用手摸, 又有鸚鵡咬扯哲哲件衫都唔驚, 見到人地將鸚鵡放上手, 哲哲竟然主動同伯伯話想試, 不過鸚鵡怕生, 而且哲哲又唔夠力, 所以隻鸚鵡點都唔肯上哲哲隻手
伯伯好好人, 終於幫哲哲上到啦! 有機會我都好想試下!!!
因為中午吃得太飽, 所以晚餐不是很想吃, 於是吃了哲爸一直很想吃的朱古力火鍋
這一晚好值得紀念, 因為...哲哲第一次唔著片片出遠街, 仲因為食食下要開大, 第一時間帶佢去商場廁所, 成功搞掂左. 呢一日咁成功為我地之後一連幾日既新年打下強心針, 夠膽同哲哲連續幾日出街都唔著片戒片片~
沒有留言:
張貼留言