無神神等拜年就出事!
年初二, 在拜年的空檔中走入百老匯睇, 平時櫃檯群情洶湧邊有人理, 這天剛好無咩自由人, 可以慢慢玩, 玩到部E-PL2爛都得~
好自在咁影左好耐, 服侍我地個哥哥又好好服務, 哲爸越玩越喜歡, 實在難以忍手, 最後乖乖掏出銀包比錢極速放血走人 (嗚嗚...抵受不住魔鬼既誘惑, 台中遊泡湯了~~)
雖說即興地買, 其實上年見到個E-PL1個commerical/print ad已經無理由地迷上了
加埋個靚女姐姐...
就是為了個ad而愛上 (廣告既魔力丫>>>膚淺既我~)
受print ad毒了無數次的我們, 一直以為必定會買白色, 見到真身竟令我們有點失望, 想不到真身是如此的...膠! 膠之餘還有不同程度的花痕及黑點, 而且機身頗易弄糟, 連換三部哲爸都擰擰頭決定不買白色, 對我這個完美主義者來說, 實在不忍心看到部機很快變得黃黃黑黑
最後買了淺金色, 實物比commercial/print ad好看得多了, 我很喜歡那種有點古舊的感覺, 像極小時家中那台菲林傻瓜機的模樣 (根本就是情意結吧)
初步試了幾天, 有人玩得好滿意, 仲興奮到身痕想買多支鏡而成晚諗到訓唔著, 見某人少有地如此將熱情灌注落影相度, 真希望可以keep住這股熱情, 影多點佳作啦!
電腦睇返d相, 高iso去到1600都仲好細緻, art filter好玩, 不過對焦無gf2咁快, 拍片唔係高清(但可以接受), 同埋普遍網壇所講: 佛光初現問題 (不過呢...有人喜歡得緊要, 說什麼缺點都不介意了)
p.s. 支A16同部hx5v要盡快放出補貼一下先得了~
沒有留言:
張貼留言