給哲爸的聖誕驚喜 (上)

dec 20

十二月頭的時候和友人約會完, 在朗豪坊閒逛了一會, 看到情侶們一雙一對, 有的孤男寡女獨自在購聖誕禮物給情人, 很有氣氛, 想起當年我曾有這心思和哲爸交換聖誕禮物, 可惜隨著哲哲的出世, 變得很遠久的事了...

這一年, 我決定借聖誕為題, 買份禮物來答謝哲爸十年來對我的包容及照顧, 來年多了初一, 哲爸揹起頭家將會更辛苦, 希望這份心意可以為哲爸鼓舞一下

要買禮物比哲爸一點都不容易, 要求高之餘, 喜歡的東西還一蘿蘿, 行動力又高, 要選一樣有心思較特別的也不是容易

喜歡的音樂cd, 風衣, 跑步配套套裝等等構思好的, 都給哲爸這半個月來一樣一樣的買回來, 看得我牙癢癢. 想來想去, 只餘下計心跳的手錶預料愛跑步的哲爸應該會喜歡/用得上, 於是就決定送一隻給哲爸

做了資料搜集, 原來一隻心跳手錶不便宜呢, 平的款式又不是哲爸會喜歡的, 專業的對跑步新手的哲爸來說肯定覺得不值

依哲爸的性格, 肯定喜歡戴款夠潮既運動款手錶多過買左專業級又貴又七的手錶...十五十六之時, 決定扮不經意的套哲爸口風...

「你睇下, 呢隻心跳錶都幾型bor」(用手機看kimkim facebook隻手錶相...)

「錶面咁大隻, 我覺得麻麻姐」

「係丫, 我聽kimkim講呢隻唔算貴, 佢跑開步, 佢話有隻牌子仲pro仲貴成幾千蚊架」

「哦, 但我覺得普通運動跑下步, 未洗買隻咁貴咁pro, 唔值囉」

(果然一如我所料!)

「咁要計心跳都唔一定要買咁貴既, 好似g-shock都有運動款, 最近我睇左隻都幾型丫, 又唔洗咁貴」

「g-shock? 咦? 你又知我最近想買隻g-shock既? 甘多謝晒你啦喎, 呵呵呵」

「... ... ... ...」

(冷不防比厚面皮的哲爸打蛇隨棍上, 直接了當的叫我送g-shock, 那我給他的聖誕驚喜不就沒驚喜囉?)

雖然差點穿崩, 不過至少弄清楚了哲爸的心意, 果然我很清楚哲爸的性格呢~

既然如此, 那就鎖定g-shock為目標吧!