聖誕小派對 @曉航家

dec 17 [27w0d]

聖誕前夕, 我們和hazel haley去了曉航的家短聚, 開了個小小聖誕派對

派對食物少了不pizza意粉壽司, ivy仲整左大人小朋友最鐘意既薯條同(去骨)蜜糖雞翼, 好味又細心, 所有食物全清呀~~

大人食得自在, 小朋友一檯都食得好開心, 緊係啦, 有咁靚既餐檯布同得意既果汁, 食都食得特別開胃!

食飽飽就玩下合家歡玩意...

玩uno moo時超有打牌feel呀, 哈哈

搞搞震時間!

keith買左一支支既朱古力比小朋友在杯熱牛奶度搞搞震, 個個都搞到好起勁, 越搞粒朱古力就越細, 最後變成左一杯熱朱古力奶, 唔甜但又幾好味, 哲哲係咁話好好玩呀~~

聖誕節準備了angry bird蛋糕應節一下, 不過問到小朋友們知不知道聖誕節的來歷, 個個都耍手檸頭, 想食蛋糕, 人人獨自講一個故仔先~

完全係膽量大考驗! 2H同曉航都好勇敢咁自己講左個故仔, 哲哲就比較怕羞, 係都要在旁幫口講幾句...不過最後四個小朋友都順利完成任務, 忍左咁耐, 終於可以食蛋糕啦!

睇下曉航哲哲為左食蛋糕個勉強笑樣+2H「無奈的V」等食的樣子, 真係超好笑 XDDDD 

一人一張數目紙做咩?

keith好有心思, 為小朋友準備了一個簡單又好玩的小遊戲. 小朋友想要得到小禮物, 先要各自解開手上的數目字條, 解碼的數目表貼滿四周, 小朋友為了解碼要盡快四圍的找到自己數目字及填上所屬的英文字母, 得出來的, 原來是他們的英文名來呢~

時間不早了, 我們開始交換禮物, 小朋友們用包剪揼的形式去決定自己要邊份禮物, 個個拆自己份禮物時都拆得好起勁好興奮, 喜歡就好了~

走的時候哲哲說希望好快可以再去曉航屋企玩同飲朱古力奶奶, keith, 你收唔收到呀))))))))