腸胃炎, 入威院

jan 9 [30w2d]

(最近怎麼特別的多入院事件?!)

哲哲生日這天, 應承了哲哲放學後去沙田ikea後再吃迴轉壽司慶祝. 中午的時候一家三口齊齊吃飯, 飯後即時覺得不舒服, 叫哲爸送哲哲上學, 我自行回家小休片刻

回家後即時嘔吐大作, 肚子抽搐著的一陣一陣痛, 在床上躺著也想痾想嘔. 一小時內嘔了五次, 嘔到全身無力. 想落樓坐的士去仁安, 卻因為肚子太痛身體根本無力忍痛落床, 最後call了人生的第一次白車送到威爾斯急症

大肚的關係, 可以skip了急症門前排長龍登記的程序, 等了十五分鐘姑娘幫我分流為「緊急」情況就在走廊的一旁等. 白車的救傷人員說今天急症很多人, 能夠為我找到張擔架吉床休息算很好運了

又等了十五分鐘, 醫生很求其的問了幾句, 就斷定我是腸胃炎, 要我在醫院吃藥觀察再決定出院還是入院做更詳細的檢查, 因為擔心受細菌感染想要求駁機聽初一的心跳, 但被拒絕了...

結果餘下的三小時就在上圖的走廊痛苦地呆等, 肚子不停的依舊一陣一陣抽搐痛, 吃了藥都不見好, 醫生護士又忙過不停無人理會跟進, 還聽見你一句我一句

「我已經坐左六個鐘啦, 都仲未有人理」

「六個鐘咪算少囉? 我由尋日朝早入黎等上房, 不過一直未有人出院, 醫生都答我唔到幾時安排到上房」

「醫生, 我想出院! 都唔知仲要等幾耐先上到房, 坐住咁訓, 坐住咁食等左一日一夜, 我要出院!」

呢一刻覺得好似落左地獄咁...醫院上下人手不足, 眼見很多醫護的態度確實麻麻, 點解香港既醫療會變成這樣? 是不是無錢的人去公立醫院就要受氣? 無錢醫病只能用時間去等待去捱痛苦?

進院的時候是四點, 七點的時候醫生回來看我的情況, 因為肚子還是痛, 在醫院呆等上房駁機都唔知仲要等幾耐, 所以我決定出院! 醫生說會開藥給我出院, 可是又等了一個鐘還沒見人, 原來醫生出去吃飯, 忘了... (如果可以開左藥先食飯, 咁我就唔洗又呆等一個鐘!)

最後辛苦哲爸東奔西走, 終於可以八點出院了. 要不是因為怕萬一胎盤受到感染初一要做七星仔緊急開刀的出黎, 去仁安生我無錢埋單, 才不會選擇入威院, 情況實在太可怕!

走前醫生不忘說因為腸胃炎的痛可以引發子宮收縮而早產, 著我見紅/穿水其他問題要第一時間入院 (大吉利是好在初一乖乖無受影響...)

見過鬼怕黑, 那間餐廳印象中很久以前曾令我嘔吐大作, 曾經有段長時間black list左佢, 難得近日哲爸說有所改善才幫襯, 睇黎真的無下次了!!!