$100試影優惠 @new classic studio

aug 8

在facebook看到new classic有$100試影計劃, 約了期想幫初一影相留念, 可是初一生眼瘡, 一改再改, 終於等到今日去影靚相啦~

和攝影師兼director connie看過帶來的衫, 開始啦!

new classic個studio都算幾大同乾淨, 今日主角係初一, 所以我和哲哲在場邊玩玩道具飛機. 一開始初一都影得好定, 不過唔見我之後就想喊了 (呢隻衰豬, 一見唔到我就唔會笑架啦, 呵呵呵)

影左約半小時, 所有造型總算略略影過了. 帶來的衫仔同道具影唔晒 (嗚, 影唔到我最想影既草地景), 亦唔夠時間幫哲哲同初一影合照, 不過可以即場睇埋相版, 等多陣可以拎埋dvd走人, 一日過搞掂晒, 影靚相就係咁方便~

先黎睇第一個造型先!

開頭既造型係光豬造型, 初一有點驚驚, 成日比個不知所措樣我, 嘻嘻

跟住就換左d帽仔造型啦! 其實studio都有呢類道具衫同帽仔, 不過我自己鐘意呢隻色多d, 睇完d相版, 不枉我淘寶買左幾頂可愛帽仔, 呢個長冷帽好sharp呀!

我自己就最鐘意呢個貓頭鷹帽造型! 因為見初一無咩笑容, 於是我好落力咁, 跳晒舞, 不停咁引初一笑, 終於引到佢笑啦!

除左好笑容之外, 呢part相仲影到初一好多肉, 雙下巴豬腩仔都出晒黎, 未見過初一真人既朋友, 絕對比呢輯相呃到!

簡單既海洋景, 係咪好得意呢~ connie見到我帶來呢套日本賣魚裝, 就幫我set左呢個漁民撈魚景啦, 不過影到呢個時候初一開始眼訓, 所以無咩笑容呢~

最後一個造型啦! 櫻花樹下, 著住浴衣既初一係咪好嬌艷可人呢, 呵呵呵

今日初一好合作, 雖然無咩笑容, 但咁短時間換咁多個造型, 都好合作咁無喊過. 講返呢輯試影, $100包四張相, 額外再買係$30一張, connie仲好好人, 減多我$50, 超抵玩丫~

初一, 影完啦, d相影得咁好又咁抵, 下次比多d笑容, 我地再影過~