八號風球下的小語錄

這天早上新聞說將會掛三號風球, 落街買定食糧的路上, 哲哲問:

「媽咪, 請問有無十一號風球架? 有無十二號風球架? 有無十三號風球架? 有無一百號風球架?」

「無無無無無呀...最高已經係十號風球架啦, 上個月咪試過一次囉」

「但我好想試下一百號風球呀」

「下? 十號已經好厲害架啦, 你唔記得上次樓下棵樹倒塌咩?」

「但係我好想一百號風球嘛, 咁大風可以吹到我地去巴西, 唔洗搭飛機lu~」

這天煮完午飯後, 哲哲走來問我:

「媽咪, 你想唔想要爽爽爽爽爽呀?」

正在奇怪哲哲在說什麼爽爽爽爽爽

「我話比你聽丫, 廣告有支粉紅色既野可以爽爽爽爽爽, 你想唔想要丫?」

待下次廣告的時候, 我才知道哲哲說的是mc jin近日的沖涼液廣告, 這個傻豬哲無神神說什麼爽爽爽爽爽的說到不停傻笑 XDDDDDD

八號風球了, 待哲爸回來的時候就開飯了, 哲哲洗完手埋檯的時候安慰哲爸說:

「爸爸, 依家八號風球呀, 今晚得兩個餸咋, 唔緊要啦, 都夠食既...」

嘻嘻, 連哲哲也意識到平常有爸爸在的時候是三個餸, 難怪哲哲會替爸爸失望啦~

早兩天天氣太熱又曬, 沒有上欖球課, 中午落街的時候哲哲說:

「真係好啦, 呢幾日甘曬甘熱甘好天, 可以留起屋企休息下真係好舒服」

「哲哲, 咩你咁講架, 好天出街唔好咩?」

「 唔係啦, 甘辛苦, 我好懶架, 好似爸爸一樣甘懶惰豬架~」

哲哲, 你真的是越大越可愛, 越說越口齒伶俐了~