天堂見

都不是第一次說的了, 這次確實很想記下來...

「媽咪, 我十歲時你幾多歲呀?」「三十七歲」

「咁我三十七歲時你幾多歲呀?」「六十四歲」

「咁我六十四歲時你幾多歲呀?」「九十一歲」

「咁我九十一歲時你幾多歲呀?」

「嘩, 你九十一歲都已經係個老公公黎架啦, 媽咪肯定上左天堂囉」

「咁係咪即係一百歲就死架啦?人死左係咪就要去天父既身邊, 同天父一齊玩捉迷藏呀?」

「係呀, 咪好似你爺爺咁, 死左就再見唔到架啦, 所以依家你要乖d對我好d, 唔係第時媽咪上左天堂你就會好掛住我架啦」

「唔洗掛住架, 我會發夢架嘛, 當你好想見我果時, 我發夢我地就可以見面架啦」 

「係可以發夢, 但人死左就要好耐好耐先會再見, 就好似依家你每晚好掛住爸爸, 可以等爸爸放工返完學都會見到爸爸, 但有日爸爸死左, 就唔止一日, 一星期, 而係好多好多年之後先可以再見到爸爸, 到時咁耐, 都唔知你仲記唔記得我地囉」

「緊係唔會啦, 我會永遠記住你地個樣架嘛, 就算唔記得, 我地第日都會天堂見, 到時又可以一家人喇」

「又係wor, 不過到時你同細佬變左老公公個樣, 媽咪唔知仲認唔認得你地, 哈哈哈」

「阿媽咪丫, 如果我九十一歲, 細佬又幾多歲呢?」

「唔...細佬就八十七歲, 都係好老架啦」 

「哦, 咁到時即係連細佬都死埋, 我地一家就無晒人lu」

「哈哈, 係呀, 不過我地一樣, 會在好多好多年之後, 終會在天堂度再見既」

哲哲, 縱使媽媽將來幾唔願意要先走一步, 媽媽依然會在天堂上愛你, 守候著你, 直至等到我們再相聚, 媽媽我好貪心想活到一百歲, 所以你同我都要好好的愛惜自己身體呢~