一年一度學校花市活動

jan 10

又是一年一度學校辦的花市活動了, 這年在LL小學舉辦, 地方大了, 哲哲也就更期待了. 前一晚...

「媽咪, 聽日早餐唔洗食咁飽啦」

「下? 點解呀哲哲?」

「我地行花市呀, 入面有好多野食, 食咁飽我怕一陣食唔到咁多野丫~」

「咩入面有好多野食架咩?」

「係喲, 有爆谷, 有綿花糖, 有魚蛋有粟米之類, 有 d只可以拎一次, 有 d姨姨好人就比添多一次既」

其實真的很欣賞LL幼稚園, 何時何地都覺得老師們很有心, 動腦筋動巧手去舉辦不同的活動. 雖然口裡常常說學術太淺升小學會跟得很辛苦, 細佬的話還是先苦後甜不選LL了, 可是看到每次不同的活動, 平常老師工友家教會的support, 又會覺得這所學校真的是為孩子用心的學校

這個活動先請家長和小朋友商討家中不要(但新淨)的玩具/物品捐給學校, 也請家長為子女購買代用劵進行花市購物. 因為不知道該給哲哲買多少張代用劵才叫適合, 請教老師後, 原來買$5 x 4張代用劵就已經可以了

放學後, 好奇哲哲買了什麼...

四大天皇同時現身!

正正經經都係唔岩你地, 還是古靈精怪最合你們的年紀XDDDD

哲哲用$10買了一架車, 再用$10買了一個波 - 一個爛波

「媽咪, 我行晒成個花市先決定買呢架車丫, 我勁唔勁呀? 林x僖佢就諗黎諗去慢吞吞唔知決定買咩; 張x哲咩都未睇買左把劍啦, 我就唔同啦, 我真係睇晒所有野先決定買呢架車架」

「仲有丫媽咪, 呢架車$10幾抵呀, 平時千色店d車好貴架, 一定無$10咁平喇」

呢個仔, 有時候倒是幾精明. 平常訓練有素, 看來能夠控制自己不作心急下衝動的決定了

「哲哲, 咁點解個波波爛既?」

「我買返黎果陣佢已經爛架啦」

「下! 爛既你仲買? 無其他波波揀喇咩?」

「無啦, 咁我鐘意丫嘛, 上次becky姨姨個party度有呢隻狗仔波, 細佬鐘意我咪買囉」

精明背後總是有點大意...不不不, 不是大意, 是明知爛的卻因為細佬喜歡所以買了, 算是帶著一份含蓄的愛吧

「媽咪知你有心鍚細佬, 下次你應該揀個無爛既波波黎買, 細佬都一樣開心, 今次買個爛既, 玩一陣聽日就漏氣要丟了, 這$10買個完好無缺的波卻可以玩足一星期啊」

同學仔熹熹就買左隻馬返黎, whatsapp了熹熹的媽媽都忍不住笑, 「我個仔竟然買隻馬?!?!」

另一位僖僖卻因為不小心跌了一張$5代用劵, 所以不夠錢買兩份玩具呢~ 

又有女同學用$10買了兩舊細細的公主擦膠, 在大人眼中用$10買舊咁既擦膠可能覺得很傻, 但小朋友就是覺得自己喜歡, 夠錢就買, 值得與否也不計較了

哈哈, 見到個個買d野都唔同, 背後有他們小腦袋的大想法, 單從這個活動可以讓他們感受花市氣氛, 又可以全權自己話事shopping, 更可看到他們的理財及價值觀, 班小朋友真係好可愛呢~