同年同月同日生bb聚會 @kids fun

jan 12

第一次的聚會, 細佬成場訓覺沒機會認識同年同月同日生的朋友仔, 第二次的聚會終於有多點交流了!

坐同是mos之友慧慧的順風車到荔枝角這個場地, 入場不久細佬就醒來了, 眼仔碌碌周圍望, 好好奇咁既樣bor!

好, 介紹下d朋友仔比細佬識先~

熹熹好好笑容, 好主動咁拖細佬隻手, 細佬都好似好喜歡這位新識的朋友~

呢個就係317bb既大家姐: 小米喇! 小米好叻女, 學野又快, 發展上行先幾步, 細佬要努力追上呀~

aden好似麻麻喜歡坐呢隻rody bor...

hayden真係好靚仔, 著d衫仲好有型有款

呢個係jaden, 個樣成個名校模範生咁丫~

再黎就係襄襄喇, 千祈唔好得罪襄襄, 雖然細細粒, 但佢有個係教wargame既教官爸爸, 小心pat pat比襄襄爸爸射呀, 哈哈

clayton成日比媽媽笑佢咩都無所謂懶懶閒咁既樣, 其實clayton係慢熱同觀察型bb咋嘛

呢個係奕奕, 牙仔幾隻但食成粒車厘茄都無難度, 好叻女!

嘩...一次過認識咁多新朋友, 等我坐低休息下先...

細佬和其他同月同日既bb比上來較為瘦小, 稍為和細佬體型相近的是carrie. carrie心臟有點毛病, 影響血流量所以體重身型和細佬也是哈比人一族, 每次見面時兩位媽媽總是互相勉勵一下

組中巨人表表者! 細佬夾在騰騰與大肉豆之間, 真係好。細。小, 好似去左巨人國咁

「小姐, 請問個頭邊度痕丫...」

「help! 救我出去, 我唔要係度丫, 我最憎波波池架喇~~~」(細佬呢個樣呢個手勢真係超級好笑 XDDDDD)

講返呢個場 (kids fun), 場地四四正正又光猛, 有簡單比細b玩既玩具, 獨立廁所好乾淨, 食物味道都算過得去, 想搞party既朋友可以考慮考慮

能夠認識到咁多同年同月同日生既朋友仔, 感覺好特別, 雖然我不是常常有時間出席活動和whatsapp閒聊, 期望日後再多點機會出來和大家見見面