再遊迪欣湖

may 11

迪欣湖這個美麗的地方, 我們第二次黎咋!

對我們來說, 迪欣湖太遠, 車費太貴, 真的是好日不會來一轉, 這天獲new classic sponsor我們一輯戶外的親子照, 難得遠道而來, 我們四處拍拍照~

很大既草原, 最適合野餐, 小鬼們帶個波來追逐, 又或是大伙兒的遊戲, 期待下次和朋友仔一起來啊!

哲哲說這些樹根好像童心點心麵 (個腦又係諗住食...)

叫哲哲四周影相都係個心飛走左架喇...飛去邊? 咪就係門口果個噴水池, 不過哲哲算好乖, 影晒成個外影, 同我地兜完一圈先玩都無好扭計, 只係咦咦哦哦煩左d姐, 嘻嘻

想當年哲哲第一次看到, 還未換衫除鞋已經第一時間衝入去, 結果活動未開始就全身濕透無褲換, 要赤住腳爸爸抱住回家. 估唔到兩兄弟性格咁相反, 細佬見哥哥玩得開心, 也很想試, 不過慢熱又小心穩陣既性格, 令細佬在池外, 看了許久...也還未敢踏進半步

實在忍唔住啦! (我講我) 見細佬池外自high咁耐都未敢入, 唯有拖住佢隻手, 夾佢入去掂下水, 明明就是很喜歡的嘛, 比d勇氣來!

這一幕很搞笑的. 細佬鼓起勇氣走進去, 見池水突然無了, 很好奇的指著, 誰知隔了兩分鐘左右池水再次湧出來, 細佬比突如其來的池水彈到, 嚇到第一時間雞咁腳走, 超好笑呀XDDDD

熱身過後, 開始享受玩水樂了, 就算被水彈到面也不怕了, 細佬玩水的方式也特別, 會拍呀, 會督, 又會試著用不同方法去感受水既變化, 比起哲哲, 細佬算是比較定同觀察型的小朋友

見太陽開始落山, 沒有陽光曬住池水開始變凍, 於是急急腳和哲哲細佬抺身換衫, 再玩多陣遊樂場就走了

最後附上一張近期我最愛既相, 雖然細佬個樣好唔願意好想落地玩, 不過影到我個樣無咁殘, 大愛~