我是獨眼龍

feb 9

今個新年真的很運滯, 先是大年初一晚上和眾親友吃完盆菜後, 即晚哲哲腸胃不適, 嘔吐大作, 我和哲爸忙於為哲哲換衫換床單被單直到半夜三點

翌日早上哲爸陪哲哲看醫生留家休息, 我就單拖帶著細佬, 手挽七底糕到港島繼續和親友拜年, 冷不防細佬在巴士途中嘔吐了, 嘔到我倆成身成袋成褲都是嘔吐物, 忙於清潔差d落唔到車, 結果辛苦細佬轉車再嘔多兩轉, 交低利是和糕點給公公婆婆代為拜年就急急腳回家

年初四輪到我胃痛嘔吐, 吃粥休息了兩天, 除了清減了少許之外總算沒什麼大礙

然而黑氣並沒有離開我們, 年初十到TGC專門店看爐頭時, 細佬笑住叫我一聲媽咪, 正當我回頭望向細佬時給予一個微笑作回報時, 冷不防細佬貪玩的伸出一陽指, 完全沒有迴避之下, 左眼感到一陣劇痛, 被細佬督中了!

依哲爸形容, 那刻的我猶如中槍, 掩住隻眼無晒反應埃埋一邊, 郁唔到無晒聲足足十分鐘, 痛左好耐好耐, 眼水鼻水成晚不停流, 痛到另一隻眼都開始睇唔到野, 鼻頭亦有陣陣刺痛感

在街頭要醫肚, 兩眼痛到掙不開, 整晚化身獨眼龍, 哲哲和哲爸一人拖一手扶著我回家, 食飯的時候也痛到合埋雙眼食

因為痛得太厲害亦睇唔到野, 返到mos想找夜診拿些眼藥水先舒緩一下, 可是黑氣又發作, 當天醫生請假一天, 夜診暫停. 燃眉之急哲爸在萬寧求其買了一支樂敦, 回家後滴眼後整個眼窩卻有如比火燒的灼痛

這晚幸好算訓得不錯, 一覺醒來發覺眼睛腫了, 勉強掙開眼睛但完全看不清景象. 哲爸見事態嚴重請了假, 待哲哲放學後一家大小陪我到浸大的眼科中心睇專科

林子顥醫生之前幫我和細佬睇過症, 很喜歡他大膽假設小心求證的作風, 為人也風趣, 照過眼球後林醫生說細佬督傷了我的眼角膜, 正在埋口階段, 有道小疤痕, 還說小朋友這些無情力給大人帶來另類的甜蜜, 真的令人哭笑不得

林醫生還說幸好細佬向上左少少無督到正中心, 否則個傷口更嚴重更痛, 醫生說我真係好忍得, 最痛果六個鐘我竟然係街上行緊街食埋飯, 而且仲可以忍多十幾個鐘才求診, 現在已經捱過最痛既階段, 只要滴抗生素防發炎, 傷口會慢慢的好, 不過要睇下好唔好彩, 因為十個有一個督傷眼角膜埋口埋得差時, 每早起床的時候眼睛都會陰陰痛, 所以要密切留意同覆診

這次細佬給我這個「痛苦的甜蜜」, 希望無下次了!