這年聖誕

這年聖誕節目豐富, 日日都有得玩, 要記錄一下快樂的回憶:

dec 24

哲爸最怕人多的地方, 已經有很多很多年的聖誕, 除夕元旦都留在家中倒數慶祝, 這年竟然肯陪我在平安夜這晚出尖東閒逛影燈飾, 好難得呢~

開始人細鬼大既哲哲, 本來話影張我鍚佢面珠既相, 點知佢話見人拍戲係咁樣錫錫(請留意, 佢話男方隻手要咁放, 個頭要側側地咁錫), 要咁樣同我影一張錫錫相喎=.=

呢個pose襯我地多d丫XDD

在海港城food court快閃晚餐, 就四圍閒逛. 和朋友仔結伴一起, 就算無行程無刺激既活動, 兩兄
弟都一樣玩得開心

淨係玩自拍都夠好玩~

dec 25

聖誕節正日和戰隊一起過, 說起戰隊聚會, 自必然和bbq 畫上等號XDDD 這天也不例外, 去了烏溪沙渡頭村的士多bbq

這裡雖然不像平常去的大尾督, 有得踩單車同放風箏, 不過聖誕佳節怕難霸爐同車位, 而這裡比$200 租個爐就可以燒足全日, 車位免費泊爛地, 對著海灘在夕陽下bbq, 都是個唔錯既選擇

那天不算凍, 為怕冷親, 只能在沙灘上玩沙

交換禮物時, anson抽中哲哲最想要的禮物, 當堂喊出黎, 不過好快就平復心情, 呢樣抵讚!

我都知你好恨有minecraft, 不過本漫畫其實都好好笑, 我知你實會鐘意既~

除左小朋友, 女人都有禮物, happy christmas~~

dec 26

boxing day輪到同左鄰右里去左大埔veg garden開聖誕燒雞派對

短短兩小時大家都玩得盡興, 內文在此:

http://ricmaglau.blogspot.hk/2016/12/veg-garden.html

這天也有準備小禮物比班女人, 常常在想, 小朋友聖誕節總是理所當然的收到禮物, 如果大人能夠收到份屬於自己既聖誕禮物, 一定會好開心, 所以這年就想到準備小禮物給大家, 物輕情意重, 送出的都是我細心思考過的, 希望大家都會喜歡吧~

dec 27

這天是公公的正日生日, 捨棄和朋友仔去澳門兩日一夜的旅程, 和哲公公慶生

中午的時候齊齊去公園散步, 比兩兄弟放下電, 大伙兒影合照留念

晚上回家吃雞煲, 打邊爐, 再一齊切蛋糕, 好滿足. 哲公公生日快樂, 要身體健康丫~~

今年兩兄弟收到很多聖誕禮物, 多謝大家既寵愛, 會好好珍惜的~~