正中紅心

最近又有學童跳樓自殺, 一連好幾天都有這樣的新聞, 朝早臨上學前在家看新聞的時候, 順勢問一下哲哲最近學校的情況...

「哲哲, 最近返學點呀? 阿邊個仲有無係你後面不停講野嘈住你上堂?」

「無喇, 老師調左位, 依家可以好專心咁上堂聽書」

「咁功課方面有無咩唔明或者跟唔上既地方要我幫下手咁?」

「都無喎」

「係咩? 我聽d 同學仔家長話你d 同學做功課做成兩三個鐘, 晚晚做到九點幾十點先收工. 乜你地有咁多功課咩?」

哲哲突然認真mode: 「功課唔多丫, 不過深咋嘛」

噢哎思...

難怪明明手冊無咩功課, 放學又話已經係學校做晒, 返黎只係溫陣書就已經可以打機睇電視玩lego, 非常輕鬆, 還在想是不是太放任, 應該安排什麼給哲哲溫習好

哲哲既見解同講野果然一貫風格: 正中紅心XDDD