去完酒鍋, 其實今日最想做的是同兩兄弟去整巨型甘大滋
印有自己既樣既甘大滋真係好得意丫~~~
因為要即日登記, 所以今早開門的時候先到鋪頭登記左先, 一大兩小的價錢是$385, 平時只開三場, 假日會加開多一場, 可以事前打電話問問職員有無人包場
夠鐘入場, 除左甘大滋, 仲可以整杯麵, 兩樣活動都報名有九折優惠, 不過我們想到日清的合味道杯麵玩, 所以今次只參加甘大滋的製作活動
這天只有兩組家庭參加, 入到工場有工作人員作簡單的介紹, 然後就洗洗手, 每人一條圍裙, 開始囉
每組有舊粉團, 需要將粉團平均分成幾份再搓成條狀, 可以搓得粗d口感好d, 不過兩兄弟想食多幾條每人分多d, 所以分成了十二條左右, 這個步驟要每條大小相約, 焗出來才會漂亮啊
當然會有一兩條比較參差, 但都可以接受啦XDDD
工作人員會將搓好既粉團放入焗爐, 呢個時候就用電腦選擇甘大滋包裝盒既款式, 毫無他念, 第一時間揀甘大滋, 然後開始我地搞鬼既自拍了~
可以加入自選句子
「嘩, 個printer好大個, 好特別丫...」
終於印好左我地既封面, 就等職員幫我地砌成一個盒子先
登櫈! 都唔錯喎!
呢個時候, 焗盤既甘大滋已經焗好攤涼了, 可以自行設計, 兩兄弟輪住上朱古力醬同落裝飾, 好認真丫
邊整邊偷食是常識吧XDDD
完成喇~
我都為自己製作條屬於自己既甘大滋, 有我個名呢~
哲哲話粗到好似支牙刷咁~
待所有朱古力醬都風乾後, 工作人員會幫手入盒封袋, 呢盒咁獨一無二既甘大滋就可以帶返屋企慢慢食, 放入雪櫃可以放一個星期, 可以同爸爸一齊分享lu~~
沒有留言:
張貼留言