早上和 rainbow還在 msn今天沒街去很悶
之後就收到白雪 msn說反正大家沒事好做
不如到她家短聚
熱熱地順便到附近的河邊踢踢水涼快下
斷線後簡單執了行裝就飛的士到白雪家了
去到白雪家已經準備好了消暑午餐
我們 4人吃完白雪廚房的出品: 粟米豆腐羹就出發了!
原先是打算玩沙沙, 不過今天水漲到石路, 見不到沙灘仔, 唯有在路邊浸浸清涼的溪水
哲哲很快就熱身完畢, 玩到周身濕晒仲想甩開我隻手衝出海; 相反 anson冷靜得多, 知道危險所以在淺水的地方踢水, 有浪湧入來時就拖住白雪的手
呢張相好搞笑, 特別係 anson個鬼鼠攝入鏡個樣, 哈哈
玩到咁上下就返歸到白雪家沖身食奶訓覺, 不過阿笨與阿占意猶未盡, 不停在這條馬路向左走向右走, 這張相難得兩個相遇兼企定定拍張照~
白雪影到原來呢條馬路個景係幾咁似日本既鄉郊, 呢兩位小朋友係幾咁似日本既小朋友, 著起背心踢住拖咁走來走去, 勁好 feel
上次去清水灣時, jayson, anson同哲哲未能齊齊浸浴, 今次我同白雪再次製造機會, 比 anson同哲哲一齊玩水沖走 d咸氣. anson在自己地頭自然輕鬆自在, 哲哲就...有點緊張, 同有點無眼睇囉...哈哈
就係一支珍寶珠, 令阿笨與阿占突然 friend左! 話說 anson同哲哲都見過很多次面, 不過一直都好似無咩交流, 不是各有各玩, 就是你睇我唔到咁. 多得白雪家中有支特大的珍寶珠, 佢兩隻為食豬貪吃想試味, 一人揀好一支坐定定就食得如此開心, 仲越坐來越近 tim~
anson同哲哲無厘頭咁笑左好耐, 起初我同白雪只係 enjoy緊佢兩個傻傻既笑樣, 後來見笑聲不絕未有想停既意思, 於是我又拍 video你又影下相咁影低佢, 兩位小朋友並未受到打擾, 一直咁你笑一下我笑一下都有半個鐘 (究竟佢兩個笑緊咩呢?)
條片仲見到 anson請哲哲食珍寶珠, 兩兄弟好好感情呀~
anson同哲哲將成支珍寶珠食到由有變無
清理好現場後就各自找周公
不知幾好訓呢~
p.s. 今日真係玩夠食飽
除左有消暑粟米豆腐羹食之外
全日仲不停咁食食食 (出前一丁同cova蛋糕)
真係大人細路都食開心, 玩得開心
沒有留言:
張貼留言