黃金海岸

拍拖時已經很想和哲爸來

不過哲爸是懶人一個

一直都嫌遠不肯和我去 

七一這天我們終於去了黃金海岸

而且仲同靖天同天朗一家齊齊食 lunch buffet tim!

今次見回一位好久之前的朋友仔 - 敏堯

哲哲坐對面時仲成日吼住敏堯碗愛心粥粥

真係好為食...

(點解掛住食, 一張 lunch buffet相都無影既? 哲爸?!)

食到咁上下, 開始帶哲哲到出面露天的陽台走動, 這個哲哲自己食飽飽就唔等人食飽未, 係咁 lur落地要走來走去

呢一日太陽好猛, 但哲哲行草地時依然行到好起勁, 完全不怕曬不怕熱

lunch buffet後原先打算到隔離沙灘玩沙沙

不過天氣實在太熱

(好可惜這個黃金海岸之旅實在不完滿, 睇怕都無咩機會再黎, 唉...)

唯有提早到靖天家避暑

父親節那次哲哲整天都在玩車車, 這天哲哲一反常態, 除了車以外其他玩具都玩一陣, 特別是毛公仔, 哲哲一見公仔就母愛盡現咁款, 忍唔住第一時間抱起之後要貼額頭鍚鍚鼻

那邊廂見哲哲一個人靜靜地咁執石子, 轉個頭又塞入口引人發笑, 雖然心知哲哲好醒目開始識得分邊d吞得邊d唔吞得, 但還是令我們嚇了一跳

咪就係我手上包檸檬茶囉, 有得睇無得飲? 哲哲話邊得 ga!

話說 rainbow說靖天平常很少玩車車, 偏偏呢一日天朗和靖天同時都在爭玩一部車, 未知是靖天不滿自己既玩具比其他小朋友搞, 還是正在玩車車比天朗打擾, 竟然發左一下脾氣, 嚇到我地呆晒, 之後仲比我地笑靖天同天朗好似兩公婆咁打情罵俏, 靖天之所以這樣嗲媽媽, 喊到好淒涼仲好大滴眼淚 tim!

天朗就同哲哲一樣鐘意戴帽子, 好搞笑呀~

玩喞水水笑到卡卡聲既哲哲, 成頭濕晒成口都係水都仲o係度笑, 正傻瓜!

為了守承諾, 玩到咁上下就落樓下食上海菜, 因為敏堯有事所以先走, 餘下我們三家吃晚飯. 呢家上海菜館味道都算不錯, 而且都坐得幾舒適, 六大三小都吃得開開心心, 捧著肚子走