乾煎 @沙田公園

昨天和嵐嵐再度約會

這次除了有哲哲同 anson外還多了茄茄, 米 b

這天天氣又熱又曬

根本不能相信前天還在下大雨

原先我還挺喜歡出猛烈太陽的日子

不過這天因為部相機個快門又出事

無心機影相...人又熱又悶, 唉...

哲哲上半場的時候又遠離遊玩區, 不停在石梯上上落落, 又嚷著要上城門, 踩草地, 多多要求, 好難服侍呀~

天氣曬, 嵐嵐的笑容一樣曬死人, 我最鐘意嵐嵐頭上個小噴泉~

怕羞的茄茄開始時要拖住杏子陪佢一齊 sir滑梯, 兩母子真係糖痴豆

最近 anson和米 b成日孖公仔出現, jayson要小心這個勁敵先得!

小朋友爭波玩, can就由個波碌落去 (咁似拋花球既?), 邊個手快搶到就算邊個好彩, 哲哲同 anson有姿態有實際 ga! (photo by 白雪)

嵐嵐想要個波波, 不過米 b仲想玩多陣, 嵐嵐扁嘴扭計個樣好可憐不過又好得意, 果下其實我好想笑但又好似好衰咁...(anson同米 b你兩個洗唔洗咁同仇敵愾呀?!?!)

好多謝台長同白雪幫我同哲哲影左咁精彩既合照, 哲哲有望鏡頭仲有微笑 tim呀:)

玩到咁上下去左利園飲茶嘆冷氣 (杏子, 好介紹呀!), 會合完 mavis之後再拉大隊去 snoopyland. 哲哲在特長隧道玩左 x咁多次之後已經謝得七七八八, 走時大合照明顯見到哲哲腳軟無咩力, 一上車回家時不足三分鐘就睡著了...

下車的時候哲哲醒了見到村口公園又要玩 (只係訓左十分鐘就夠啦?!)

哲哲的精力真是頑強得驚人

這天真的很盡興

由早玩到晚

不過下次真的怕怕了

這麼熱的天氣玩咁耐真的取了我小命!