見咁耐無去 playtown
上星期六和一班好友齊齊入去玩
雖然都知道星期六會好多小朋友 (特別係中童)迫在一起
不過入到去比我想像中好 (只是 2p.m.過後明顯多好多...)
第一次 去的時候哲哲只有一歲, 很多玩意都要我們陪/抱住才玩得到
第二次 去的時候是剛知道哲哲有感統問題, 和哲哲努力特訓中
今次去其實想試下半年後的哲哲能否靠自己, 夠膽玩這些玩意
原先打算早點入場玩足一整天, 不過其餘的團友有事遲來, 我和哲哲吃過早餐才施施然進場. 一入去哲哲第一時間衝去這個噴射波波場, 不停按發射制, 仲好興奮咁不停執波波. 個幾鐘後米 b都入場了, 哲哲無米 b咁醒識用膠桶裝住 d波, 嘿嘿, 空有牛力唔用腦力是很傻的哲哲!
有得玩就唔記得左肚餓, 哲哲係名付其實的貪玩精! 間唔中走過來說肚餓要食餅餅, 轉過頭見到好玩的又一窩蜂衝了去, 完全忘記剛剛才呻肚餓....為免餓壞哲哲, 還是坐低吃點餅飲啖水 (哲哲心急得想快快吃完餅繼續玩, 我當然拒絕啦, 唯有解釋佢知唔洗急, 慢慢食, 食完有排玩囉)
之後 jayson同 anson都陸續來了 (playtown場大人又多, 好不容易看到 jayson時原來要走了, 好可惜呢). 同輩的影響力真大, 當哲哲見到 anson時二話不說即跳入波波池 (要知道哲哲頗怕被咁多波波浸住~) 呢一日哲哲幾乎玩盡全場的玩意, 而且無一樣哲哲再會怕的了, 而我也舒服得多, 不像之前每 sir一次滑梯都要陪哲哲上上落落, 可以間中坐埋一邊看著哲哲全身像裝上彈弓電池可以來回不停上落玩也不覺倦
由小童區玩到 bb區, 我們遇上了 anson同剛進場的黎 b正在玩 sir滑降, anson每次爬這個隧道都要望住白雪同王子好幾分鐘先肯 sir, 好痴纏呢~
"波神"anson見到呢個籃球場, 襯勁敵 jayson唔o係度緊係要大顯身手啦, 你睇下米 b在場外幾咁迷戀...
"女佐敦"米b示範如何飛身入樽! 不過一到米爸時就...炒左粉...(都怪米爸o係度笑唔夠認真啦, 搞到唔夠力抬唔起啦...唔準笑, 認真 d! XDDDDD)
走前大合照
玩左差不多五個鐘我們決定離開了 (再玩我怕骨頭都散)
我和哲哲沒有跟大隊到金田吃放題
在灣仔尾步行去接哲爸放工
近期吃得太滯, 加上荷包乾硬化, 所以去了好耐無食過既 citysuper的 foodcourt吃餃子, 燒丸子, 燒餅炒麵同石頭窩飯, 經濟實惠又好味喲!
全日無訓過 + 狂玩五粒鐘既情況下, 吃晚飯時哲哲已經見疲態了. 飯氣攻心, 一上巴士更是三秒不夠就睡著了...
回到家哲哲醒來
我問哲哲剛才好不好玩
哲哲興奮的啦啦咔咔說如何好玩, 又玩了什麼
全都數了出來
見哲哲喜歡而且不再怕
下回我可以 (平日)再單拖和哲哲來這裡了
沒有留言:
張貼留言