不吃早餐的原因

老師說最近哲哲早午茶點不怎麼吃, 叫我留意一下. 某天返學早上:

「媽咪, 我唔要返學食早餐」

「點解呀?」

「我唔食丫...」

「哲哲, 學校既嬸嬸煮得好辛苦, 你唔可以浪費食物同埋嬸嬸既心機架, 再者食多d野先會長高, 身體先會強壯, 跑步先會快, 跳得先會高. 你想唔想好似媽咪咁高, 唔洗抱抱都可以睇多d野? 好似媽咪咁跑得咁快? 」

(講完自己都唔係幾好意思, 因為我同個「高」字一點關係都沒有...)

「想~」

「咁你話比媽咪知, 點解你唔鐘意返學食早餐既?」

「因為學校d野唔好味, 媽咪煮果d先好味」

(一時之間唔知講咩好, 因為有少少開心但又要努力搵個好既答覆比哲哲)

「哦...咁...媽咪好開心知道哲哲鐘意食媽咪煮既野, 但係嬸嬸同媽咪一樣, 好比心機去煮野食比同學仔食, 所以哲哲都要食少少, 唔係嬸嬸會唔開心架. 同埋哲哲唔食野都會無營養, 咁就好易病架啦. 嗱, 最近哲哲成日病, 你係咪又想病病好辛苦?」

「唔係...咁我食少少啦」

原來煮得太好味都是一種罪孽, 罪過罪過~~

後記 (nov 12):

今天一早起床哲哲就嚷著雲姐煮早餐好辛苦, 要回校食早餐, 聽到後覺得很感動, 於是我提哲哲記得要多謝雲姐, 哲哲更回我一句說: 之前有一日無食飯, 今次我會食多d~