扮靚

最近哲哲很喜歡為物件「扮靚」, 一開始是喜歡拿我很有限的扮靚工具- 眼睫毛夾, 眉夾, 剃刀同梳幫我扮靚, 後來玩上癮, 轉化為用顏色筆周圍幫物件上色扮靚

某天給我看到哲哲專心的用顏色水筆畫巴士, 更看到梳化有不少的水筆痕

「哲哲, 你做咩呀? 做咩畫到架車花晒架? 仲畫到周圍都係添!」

「無, 我無亂畫架, 我幫架車扮靚咋嘛, 你望下依家架車係咪靚左呢?」

有一次因為太累了, 我在床上不自覺的訓著了, 醒來哲哲在我身旁

「媽咪, 你個肚靚左喎」

「我個肚靚左?」

正在好奇哲哲的口吻怎麼變得這樣大人, 一個小孩子又怎會明白個肚點樣先叫陀得靚呢? 拉高條睡衣裙一看...

「哲哲! 做咩o係我個肚度吸印架?!?!」

個衰仔原來用水筆的另一端 - 公仔水印蓋落我個肚度!

「無丫, 我幫bb扮靚咋嘛, 你睇下, 依家個肚, 幾靚~」

呢個哲哲真係比人炳得少呀!!!

依家個肚邊係靚?! 沖涼捽左好耐仲係一抺抺顏料印, 真係激死人啦!!!