我的婆婆...你可好?

oct 19 

剛剛接哲哲放學的時候, 看到一位老婆婆和我已故的婆婆很像, 不期然的多看兩眼

「媽咪, 我好掛住白豆呀, 我地行快兩步返屋企好無?」

「嗯...」

一陣沉默之後, 想起了小時也是婆婆接我返/放學的, 就如今天一樣. 想起往事, 忍不住流了兩滴眼淚

「媽咪? 媽咪你做咩事呀?」

「無, 媽咪頭先見到個好似我既婆婆既老婆婆, 我既婆婆唔係哲哲個婆婆, 你未見過架」

「係咪上次鴨脷洲拜神果個婆婆呀?」

想不到哲哲記起十月頭在光豬舅公的家為牛姨farewell party, 臨走的時候有為意向婆婆上香的事

「係呀...我細個時婆婆日日都接我返學放學, 就好似依家我同你咁. 不過依家再見唔到我既婆婆啦, 佢已經死左, 上左天堂啦」

「咁你係咪好似我咁掛住白豆咁呀?」

「嗯...少少啦, 我都好掛住婆婆呢, 不過唔似白豆咁, 你返到屋企都仲可以見到佢同攬下佢」

「媽咪...」

對望時才知道哲哲已經兩眼通紅, 原來眼淺愛哭的性格也遺傳給了哲哲呢...

婆婆, 不知道你現在可好? 有否掛念我們?