小朋友的記性真好

小朋友的記性真是強得驚人, 雖然我沒有向哲哲進行硬塞字入腦, 沒有實例可以展露哲哲的記性如何, 不過從平常一些對話, 我就知道哲哲記事的本領不錯

幾星期前我們在搭巴士, 經過荃灣某段路時, 哲哲看到山上的一條小路, 突然問:「我地之前係咪o係呢度食花生呀?」我就暗嘆哲哲記性之好

因為我們在年初四時到過上方的圓玄學院, 不錯, 還因為奶奶還完神, 即場剝花生一起吃. 已經這麼久的事, 只是去過一次而已, 想不到這些細節哲哲倒記得清楚

昨天上學途中看到炒栗子的小販, 哲哲想食, 記得上次我們吃過這檔的栗子不好吃, 於是我對哲哲說:

「栗子好怕熱, 不過佢地唔怕凍, 所以天氣好凍好凍時食栗子先係最好味架, 不如我地等天氣凍時先買黎食啦」

「點解佢地怕熱唔怕凍既?」

「因為熱天時, 佢地生長得無咁強壯, 所以無咁好味囉. 除左炒栗子之外, 士多啤梨都係架, 夏天時食佢地無咁好味, 冬天時佢地生長d好d, 出黎先會甜d架」

「咁橙同蘋果呢?」

「佢地就好叻啦, 又唔怕凍又唔怕熱, 所以我地夏天冬天食佢地都一樣咁好味. 係啦, 咁哲哲你又諗下有咩生果係怕凍唔怕熱既?」

「唔...我知啦, 係木瓜!」

「木瓜...都係架, 西瓜都一樣, 夏天時會見到西瓜, 但冬天就見唔到架啦. 因為西瓜好怕凍, 冬天食就唔好味, 夏天食就好涼爽囉」

「唔係架, 西瓜唔食得架, 食完會嘔到成張床都係架...」

衰啦...原來那次腸胃炎令哲哲對西瓜恐懼起來, 其實那次只是湊巧哲哲吃了不潔的青口, 剛好那晚又吃了西瓜. 半夜的時候上吐下瀉, 整張床都是紅淋淋的西瓜茸, 難怪自此之後哲哲都很抗拒吃西瓜, 就是因為留下陰影認為吃西瓜就會嘔...真相大白!

所以說小朋友的記性及聯想力很強, 真的要小心盡量不要亂說話做錯壞榜樣, 否則實比班人仔有排記住, 秋後算帳~