龍。運當頭 (下)

jan 27 年初五

這天去了kk的家團拜, 人多熱鬧自然吃盆菜 (五日內吃三個盆菜, 今年真係夠晒皮囉...)

胃口好到無得頂, 搞到要開埋kk既儲備 - 鮑魚麵黎滾呀滾~

大有大食, 細有細玩. 層層疊同丟手巾仔班小朋友都玩得好投入!

rico同florence唔舒服黎唔到, 下年要齊人呀~~

jan 28 年初六

早上沒有節目, 終於可以抖下腰骨了...中午哲婆婆來看哲哲, 去了公園玩又回家小睡片刻, 晚上到葵涌和奶奶的親戚團拜兼吃開年飯

jan 29 年初七

長假完結前的一天, 我們和戰隊去了杏子的家團拜兼bbq, 一整天都在瘋狂勁吃, 超爽~

之前大鬧杏子新居的時候已經熱哄哄的說要在杏子家燒豬腩, 有大廚坐鎮, 舊燒腩果然極具專業水準!

除左燒腩同鵝肝, 少不了其餘美食, 我地真係越食越嘴尖

兩個大肚婆臨生前最後一拍! (事實白雪在一星期後生了元宵bb aidan仔, 恭喜晒~)

小朋友玩到樂極忘形, 有咩好野食都唔理, 玩左先算!

足足燒足六小時, 燒到牛宅的儲備都無, 搞到要食埋公公家的存貨, 真係唔好意思呢...勁食馬拉松未因食物燒清光而停止, 興之所致牛生更提議食埋b仔涼粉做甜品先夠盡興

呢一日除左食得開心外, 還有個很重要的任務, 就是大伙兒為正日生日的牛生慶祝生日

happy birthday to 牛生!

feb 4 年十三

年十三到曉航的家拜年兼搓湯圓提早應元宵佳節

這早有點小事故, 出門的時候突然發暈, 兩腳無力標冷汗站也站不住, 正在猶豫好不好回家就算, 剛好見到巴士來就跳上車小休了一會, 幸好下車的時候有keith的幫忙, 總算能跟大伙兒見面

有得搓湯圓, 小朋友們都很專心的搓呀搓, 不過就成品來看, 似乎女孩子比較有心機搓得完完整整, 男孩子們的三尖八角, 有夠搞笑...

有得食啦! 睇下佢地既眼神, 就知湯圓好好味啦~

feb 9 年十八

拜年的節目豐富, 結果排到這天才可以大伙兒到barbara家吃一年一度的餃子宴. 這年barbara不做自家餃子麵條, 請了假為我們煮九大簋!

超強! 能夠於新年為三十多位親友煮飯, 這晚十一人的份量絕對難不到barbara!

我最喜歡個糖醋無鍚骨, 薑蔥焗蠔, 煎蝦碌同埋個甜雞汁切雞, 全都好好味, 飯後仲有桂圓蓮子甜湯, 今晚真係飽到上心口, 非常滿足

這年新年峰哥哥從法國回來, 有男孩子陪哲哲玩踢波, 二人一見如故, 哲哲好喜歡哥哥仲玩到唔捨得走呢~