懷孕第七, 八個月

第七個月 (dec 24 to jan 20)

七個月暫時無水腫, 無爆紋, 不過可能我皮薄餡靚, 肚皮薄到血管浮現. 想影大肚相, 但因為個肚未夠大, 所以未能成事...胎動依然活躍於下游位置, 令我更相信初一未調頭

隨著時間漸漸逼近, 心情既緊張期待, 又不捨, 不知道自己能不能勝任兩子之母的身份, 另一方面卻又期待初一是怎麼樣的樣子, 四人行的生活又會是怎麼樣, 總結來說心情是興奮多於一切~

體重: 104-106磅

肚圍: 35吋

第八個月 (jan 21 to feb 17)

一眨眼又八個月, 餘下一個月的時間, 突然覺得自己由五個月開始太著重谷肥初一, 心情受到影響, 沒有好好享受懷孕的日子. 經網友的一翻話, 醒覺了, 決定什麼都不理, 只想好好記住呢一刻胎動的感覺, 因為這真的是最後一次大肚了... 

比起上胎, 老朋友們都說我樣子無咩走樣, 係塊面圓左d, 身型就肥過上次少少, 上胎實在太瘦了

說回初一, 最近常常打c egg egg, 一打就好幾十分鐘, 這個時候真好笑, 想幫又幫不了, 媽媽我真的愛莫能助呢~

醫生說初一終於調頭了, 難怪肚子的上方踢得勁, 下方比初一的頭/手亂抓, 壓到vv位有時好痛又痕, 想拍video又拍不到, 因為一拍就轉左去肚底搞搞震...(無陀哲哲時踢到我個肚變形, 初一腳法無哲哲咁強啊)

宮縮的情況越來越密, 肚子常常硬硬的不太舒服, 幸好不痛, 早上大約數小時一兩次, 晚上就密了, 幾乎一小時有三四次. 有時vv會覺得難去左, 不知道是不是調左頭壓著膀胱呢? 睡眠質素有好轉 (因為和哲爸開始分開訓了~), 有好幾天直情廿四小時都想訓! 

磅數方面, 初一依然是細碼, 睇返同週數的哲哲足足差兩磅, 追唔到都唔理啦!

依然無水腫腳腫, 無抽筋胃酸倒流, 單純是腰腳容易見倦無力, 但又不是酸痛的那種, 始終生過一次傷了元氣又無補, 加上年紀大, 體力真的大不如前 

體重: 104-106磅

肚圍: 35吋

(我既磅數同肚圍仍然無變, 好似由六個月開始一直是這樣子, 唔通我個肚噴左定型水, 唔識大?)