mar 16 [39w6d]
如前文所說, 這天早上回瑪麗覆診時已經開始有規律的宮縮, 雖然不痛, 但是肚子非常有規律的十分鐘就硬一次, 令我很不舒服
回家過後, 因為腰赤又倦, 也沒理會放學回家的哲哲, 就撻在床上休息, 一直的等到6:30p.m.突然有種m come的感覺, 衝入廁所看看就見紅了. 雖然生哲哲的時候也是見紅開始, 不過再次看到還是很猶豫
平常這個時候奶奶會回來, 剛好今天奶奶不舒服所以沒回家, 唯有打電話給哲爸奶奶略說現在的情況. 說起來初一真的很為我們著想, 知道我們擔心平日作動的話怕沒人送我入院, 怕塞車, 怕沒人接哲哲返放學, 於是就挑星期五晚, 待哲哲放學明天不用上課, 待哲爸放工才作動
見還有時間, 趕緊沖涼洗頭, 也和哲哲預告一下媽媽要生細佬了, 這幾天會入院陪不到哲哲
「媽咪, 你唔洗唔捨得架, 生完細佬你會返黎架嘛, 我會等你架」
話雖如此, 想到有好幾天和哲哲分別, 總是很掛心
有排都無得飲可樂, 入院前隊返支先!
8p.m.哲爸回來齊齊吃過外賣後就飛的由mos到QM. 而奶奶就帶哲哲到樓下餐廳吃飯, 臨走前和哲哲深深的攬了一下, 不知為何我竟然眼濕濕捨不得
的士上我們二人話很少, 兩手緊握, 這刻完全是生哲哲前入院坐的士那種感覺, 既期待見到初一, 但又擔心陣痛, 當然也掛念哲哲...
10p.m. 來到瑪麗的產前房, 一個遺忘已久的地方. 哲爸幫我辦好入院手續後就離開, 如上胎一樣, 換好衫驗了小便後, 姑娘安排我到二號床駁機聽bb心跳
這個時候我的陣痛還是很輕微, 幾乎不感覺怎麼痛, 腰有點赤, 每次宮縮依然是十分鐘一次. 駁了半個鐘, 醫生沒做任何檢查沒有探度數, 看過報告問:「太太, 今次係第幾胎呀? 第二胎? 咁你既進展好好, 應該天光前會生」
「咁快? 但我依家痛都唔痛, 只係怨怨下既感覺咋bor! 上胎我痛左廿個鐘先生到喎」
「放心, 通常第二胎都會好快, 睇你呢個情況bb頭仔已經好落, 而且你兩胎都係隔左四年左右, 子宮好快會記起返呢個收縮動作, 宮頸一開就隨時生得. 你叫老公唔好返屋企啦...咩話? 住mos? 車程好遠喎, 半個鐘內黎唔黎到? 我怕你隨時入得產房, 你老公趕唔切呀!」
暫時既痛仲係好輕鬆, 所以有心情自拍, 無聊等入產房時還用手機上網
如醫生所說的告知哲爸, 不過我們都不是太相信 (真係可以幾小時後超快生得咁便宜我?), 所以哲爸還是回家打算洗個澡小休片刻
這晚不算人多, 產前房沒有爆滿, 隔離床有個大陸女人在呻吟叫痛, 嘈吵之餘仲好好演技! 以快四十歲之齡第一胎, 我都明白陣痛真係好難捱 (上胎我用左十幾個鐘開三度痛到想死咁滯), 但洗唔洗咁大聲喊仲叫到拆天? 嬸嬸行過又唔見你話痛, 醫生姑娘行過你就大叫話就快生得 (咁既程度都忍唔到, 再痛多幾度你點捱...)
「醫生, 我不行啦, 我要開刀, 你幫我好不好...喔...很痛耶...」
「太太, 你不疼嗎?」
「痛呀, 不過都要忍住架啦」(其實佢吵到我真係好想塞對拖鞋入佢個口!)
午夜過後開始五分鐘痛一次, 去廁所的時候一直見紅, 每次的陣痛是一次淺短的, 下一次就是又深又長的痛, 終於都開始黎料了...
(續)
沒有留言:
張貼留言