這年生日

已經是上年年尾的事了...

參加了朋友仔們好幾個生日party的時候, 某天哲哲問:

「媽咪, 點解人人都有自己既生日會, 點解我無既? 人人都有得吹生日蠟燭, 點解未到我既? 幾時先到我吹架?」

「哲哲, 我地屋企太細, 請唔到朋友仔黎屋企開生日會, 不過我地可以出街同朋友仔一齊慶祝生日. 就快一月啦, 到時你生日就可以自己吹蠟燭啦」

「媽咪, 咁我之前生日有無吹過蠟燭架? 點解我唔記得既?」

「緊係有啦! 嗱, 我比返D相你睇啦!」

「媽咪, 點解我喊既?」

「你唔記得啦? 果陣時你剛剛學識咩叫火, 知道火係好危險, 見到媽咪點火在蠟燭上面, 你咪好驚唔敢吹囉. 你話你幾傻豬丫...咁依家仲驚唔驚呀?」

「我大個仔, 唔驚lu~」

「嗱, 哲哲, 係咪丫, 每年生日你都有食生日蛋糕, 你都有吹生日蠟燭架, 係你自己唔記得咋」

「係bor, 但點解個蛋糕唔係車車黎既? 我好想要個車車既生日蛋糕丫...」

哲哲, 這年生日, 應你要求是個車車的蛋糕來的, 而這次終於不再是陪襯者, 你是主角了! 爸爸媽媽祝你精乖伶俐, 快高長大, 你永遠是我們的寶貝

(一次過給你看每年的生日蛋糕照, 下年別又說沒吃過啦~)