1st 親子家庭照@mybabyface studio

jul 19

見到mybabyface 的baby dreaming佈景好得意, 相比從前著無聊bb公仔衫有趣得多, 所以襯初一仲細細粒又未懂轉身, 第一時間約期拍攝

上到studio, 揀好左場景, 就開始拍攝啦~

呢類baby dreaming都係呢幾個月先開始有, 所以可以揀既background都唔算好多, 話明dreaming, 緊係要揀d平時無可能做到既野啦, 所以我揀左「馬戲團」同未公開既新場景-「阿拉丁神燈」喇

(其實我仲好鐘意「城市打怪獸」, 「潮洲打冷」,「登陸太空」同「潛水打獵」都好得意, 初初諗左好耐都諗唔掂影邊個場景, 有咁多錢可以影晒佢就好lu...)

馬戲團

mybabyfacec既工作人員都好快手, 鋪好佈景就放初一上去轉幾個不同的場景變化, 睇下初一「小李飛刀」個樣幾神氣~

阿拉丁神燈

呢個係新場景, 在official website未出現過的, 故事係初一坐上神毯, 遇上阿拉燈神, 許願變了好多錢出黎, 去到小人國仲比人搶錢tim!

影完兩個dreaming景, 就影d指定動作 - 親子照啦~

親子照就普普通通啦, 不過其實唔關mybabyface既職員事, 都係因為初一挺眼訓, 中途休息過食左陣奶都仲好扭, 而哲哲又唔耐煩成日吵住要走, 所以都無咩笑容, 可幸係職員都幾nice, 盡量比時間我地休息, 前前後後都影左個零鐘呀!

講返個package, mybabyface facebook專頁有promotion, $1080包12張相(包執相)連online photo album, 多一位成員另加$150, 唔想揀相或者太多靚相, 可以加$500要晒全部相. 由於時間關係, 見大部份既相都影得唔錯, 都唔想慢慢咁揀12張相, 於是全部買晒返屋企lu~

拍攝小貼士:

1./ vita pixel既baby dreaming景比mybabyface更細緻整齊更漂亮驚喜, 不過價錢實在太貴啦 ($2980得十零張相), mybabyface就經濟得多

2./ 盡量揀bb 食完奶既時間去影, 比較有精神又會多d笑容, 同時都帶多幾件bb平時鐘意玩既玩具黎引下佢

3./ 帶多d唔同顏色, 鮮艷既衫, 效果會突出d

4./ 親子照可以選擇同一個色調, 影出來比較合拍順眼

5./ 呢d dreaming景只限五個月以下或未轉身既bb先影到, 因為識轉身之後就會不停咁轉, 令拍攝增加難度, 所以想影就快d影啦~